Churva

Suportado sa ex-GF

CEBU, Philippines - Mapasalamaton ang aktor nga si Zanjoe Marudo ngadto sa ex-girlfriend nga si Bea Alonzo tungod sa walay puas nga pagsuporta sa aktres sa movie niini nga The Third Party. Matud pa niya nga padayon ang ilang panaghigalaay ni Bea.

Nahiubos sa higala

Giangkon sa hunk actor nga si Derek Ramsay nga dunay higayon nga  nahiubos siya sa iyang usa ka  gay friend gumikan kay  gihikap ang iyang sampot. Wala hinuon gibutyag sa aktor kung kinsa ang maong higala apan giangkon nga iyaha kining suod.

Biktima sa bullying

Gibutyag sa sikat nga DJ ug TV host nga si Sam YG nga biktima siya sa bullying sa grade school pa kini. Matud pa ni Sam nga sungugon siya og  ‘Bombay,’  ug kasagaran nganlan siya og  ‘5-6’  sa iyang classmates tungod sa iyang pagka-Indian.

Breadwinner sa pamilya

Mapasigarbohong gibutyag sa Kapuso teen actor nga si Jake Vargas nga siya ang nibarog nga breadwinner sa ilang pamilya. Todo ang iyang pag- trabaho busa wala gyud masulod sa iyang hunahuna nga magbisyo. Giangkon sa aktor nga gihagad na siya sa usa ka higala nga mogamit og ginadiling drugas apan kusganong nibalibad siya niini.

Loren mobalik sa ere

Molugwa pagbalik sa ABS-CBN News Channel si Sen. Loren Legarda pinaagi sa 2nd season sa documentary program nga “Dayaw”. Kabahin kini sa iyang adbokasiya sa pagpreserba sa kultura ug kabilin sa Filipino.

Wholesome

Giingong wala’y sexy scene sila si Coleen Garcia ug Xian Lim sa umaabot nila nga pelikula nga ubos sa direksyon ni Jason Paul.  Matud pa nga lahi nga Coleen ang matan-awan sa maong pelikula.

Wala nagpalupig

Wala nagpalupig sa mga batan-on ang mga mid-30s ug 40s nga mga artisa atol sa gipahigayon nga Star Magic Ball. Nilugwa uban sa ilang bongga nga mga gown mao sila si  Dawn Zulueta, Maricar Reyes, Jodi Sta. Maria ug Kitkat kinsa nakadawat og daghang pagdayeg niadtong gabhiona.

Paglantaw sa kagahapon

Nakadawat og positibong reaksyon gikan sa fans ang hulagway nga gi-post ni Paolo Contis sa Instagram account niini. Ang maong hulagway kuha sa aktor ug sa nipanaw na nga komedyanteng si Babalu.