Coleen gustong isunod kay Piolo sina Coco at John Lloyd!

Palabas pa rin sa mga sinehan ang pelikulang Love Me Tomorrow na pinagbibidahan nina Coleen Garcia, Dawn Zulueta at Piolo Pascual. Matatandaang nakatambal na rin noon ni Coleen si Derek Ramsay sa pelikula kaya masayang-masaya ang aktres na si Piolo naman ang nakatrabaho niya ngayon.

Nangangarap si Coleen na makatambal din ang iba pang Kapamilya actors sa mga susunod niyang proyekto. “Kahit sinong actress nowadays, would say they want to work with Coco Martin, John Lloyd Cruz and Piolo Pascual talaga. So I feel very fortunate to get the chance to work with Piolo. It’s really a tick off my bucket list. Everybody who approaches him says the same thing. He’s really such a grounded person. Napaka-down to earth niya. I mean, arguable he’s on top talaga. So for somebody in his position he’s very, very humble and he’s very grounded,” paliwanag ni Coleen.

Maraming mga bagay daw ang natutunan ng aktres mula kina Piolo at Dawn dahil sa kanilang pelikula. Bukod sa paggawa ng drama ay gusto naman daw masubukan ni Coleen ang action at comedy. “Siyempre it was definitely an honor to work with them. Both as co-actors and as people and pareho silang very humble. I’m learning a lot from them and there are things that I can carry over to whatever my next project will be and it’s just overall a really great learning experience will turn out,” pagbabahagi ni Coleen.

Charice puro emo ang laman ng bagong album

Sa susunod na buwan ay nakatakdang mag-release ng bagong album na may titulong Cathersis si Charice. Kaabang-abang daw ang bawat kanta sa nasabing album ng international singer. “When they hear it, it’s like a release. When you hear my song, either happy or sad. It’s like release of emotions. The song has a catharsis feeling to it,” bungad ni Charice.

Mula sa iba-ibang tao raw humugot ang singer ng inspirasyon para sa mga kanta sa bagong album. “The album itself, hindi lang siya about sa akin. Like everywhere I go, when I look at a certain person, fini-figure out ko kung ano ang emotion niya, ang feeling niya. So ang para sa akin, gusto ko sumulat ng kanta na makaka-relate sila at maiisip nila na ‘yun ang anthem ng buhay nila. So definitely different emotions, may happy, and of course may sad, may martir, may manhid, lahat na nando’n,” paglalarawan ni Charice.