Driver pinatawad agad, Howie Severino nabundol ng jeep habang nagbibisikleta

SEEN: Nakilala nang husto ang fashion designer na si Albert Andrada dahil siya ang gumawa ng royal blue gown na ginamit ni Pia Wurtzbach sa Miss Universe. Si Albert din ang creator ng gown na suot kahapon ni Pia sa courtesy call nito kay President Noynoy Aquino.

SCENE: Ngayon ang grand opening day sa mga sinehan sa Pilipinas ng Everything About Her, ang Star Cinema movie ni Batangas Governor Vilma Santos-Recto. Grade A ng Cinema Evaluation Board (CEB) ang pelikula.

SEEN: Matagal nang usap-usapan na may video scandal ang aspiring actor na si Arjo Atayde pero ngayon lamang kumalat ang kanyang alleged video scandal. Anak si Arjo ng character actress na si Sylvia Sanchez.

SCENE: Kung hindi pa nakilala ng jeepney driver na news anchor ng GMA 7 si Howie Severino, ipagpipilitan niya na kasalanan ni Severino kaya nabangga ito ng jeep na minamaneho niya.

Sakay si Severino ng kanyang bisikleta at papunta sa GMA Network Center nang mabangga siya noong Lunes ng pasaway na jeepney driver na biglang naging apologetic nang malaman na television news reporter ang biktima.

SEEN: Mapalad ang jeepney driver dahil tinanggap ni Howie Severino ang apology niya at ayon ito sa nasugatan na news anchor, “Many cyclists do not survive a collision from behind with a motor vehicle, let alone walk away with just a bloody gash on a leg. I was so happy to survive with no bones broken that I – maybe foolishly, now that I’ve thought about it – let the whimpering jeepney driver just drive away after he said sorry.”

SEEN: Humihingi ng privacy si Pauleen Luna tungkol sa pag-iisang dibdib nila ni Vic Sotto pero post siya nang post ng mga personal na bagay tulad ng pag-eempake ng kanyang mga gamit para sa paglipat niya sa bahay ni Vic.

SCENE: Pili ang mga miyembro ng media na imbitado sa January 30 wedding nina Vic Sotto at Pauleen Luna.

SCENE: Naging biktima ng bashing si Shy Carlos nang sabihin nito sa presscon ng Tasya Fantasya na pinapantasya niya ang PBB (Pinoy Big Brother) housemate na si Tommy Esguerra.