JaDine napildi

CEBU, Philippines - Napakyas sila si James Reid ug Nadine Lustre sa pag-angkon sa Best Southeast Asian Act award sa MTV Europe Music Awards 2015.

Nasayran nga gianunsyo na niadtong Huwebes ang mga nakadaug sa maong music awards ug ang singer nga naggikan sa Vietnam nga si Son Tung M-TP maoy nakadaug sa maong kategoriya.

Ang maong singer gihulagway nga “a multi-talented, passionate, and charismatic singer.”

Gibase sa online votes gikan sa ilang fans ang pagdeklarar sa mananaug. Si Son Tung M-TP maoy representante sa Southeast Asia sa  Worldwide Act: Asia category. Ang ubang finalists sa maong kategoriya naggikan sa Japan, Taiwan, China ug Hong Kong.

Si Son Tung M-TP maoy nagpasikat sa mga awit nga “Em Cua Ngay Hom Qua” ug Am Tham Ben Em,” nga nakabaton og 18 million views sa  YouTube. (Sanden J. Anadia)