Ella mipirma sa Viva

CEBU, Philippines - Mipirma na og kontrata si  Ella Cruz sa  Viva Artists Agency niadtong Miyerkules. Gusto lang ni Ella nga lahi na pud ang maghupot sa iyang career apan iyang giklaro nga makatrabaho ra gihapon siya sa Kapamilya  ABS-CBN. Kahinumduman nga nilungtad og duha ka tuig ang pag-istar ni Ella sa Star Magic. “Gusto lang namin ni Mama na medyo mag-explore sa mga bagay-bagay, “ suma pa sa aktres.

Karong buwana ipasalida

Karong buwana diay ipasalida ang documentary film nga maghisgot sa kinabuhi ni  Rudy Fernandez. Ang anak sa aktor nga si Ralph Fernandez maoy  naningkamot aron mahulma ang maong proyekto.  Usa ka Australian ang writer ug direktor niini ug duna kini tentative title  nga  The Last Pinoy Action Hero.

Gimingaw ni Alden

Wala gyud matago sa nawong ni  Maine Mendoza o  Yaya Dub ang iyang kaguol nga absent  og pipila ka adlaw si Alden Richards sa ilang kalyeserye sa Eat Bulaga. Dali ra matud pa mingawon si Maine kang Richard.

Nagkatawa sa tsismis

Gihimakak ni  Regine Velasquez-Alcasid ang report nga matud pa  siya maoy mibabag sa iyang bana nga si  Ogie Alcasid sa plano unta niini nga mosulod sa politika. Mikatawa lang si Regine sa maong report gumikan kay dili man intresado ang iyang bana sa politika busa nahibulong siya kung diin nag-ugat ang maong istorya.

Gihulipan

Sila si Jerome Ponce ug  Marlo Mortel maoy orihinal unta nga makauban ni  Janella Salvador sa pelikulang  Haunted Mansion nga entry sa Regal sa Metro Manila Film Festival (MMFF) apan kalit  lang sila nga gihulipan nila ni Joem Bascon ug Allan Paule.Wala’y ideya si Janella  kung unsa ang rason sa maong kausaban.

Francine ug Frank engaged na

Engage na ang sexy actress Francine Prieto sa iyang  American boyfriend nga si  Frank Shotkoski. Nadawat ni Francine ang  engagement ring niadtong Martes sa gabii sa iyang panimalay.Sabotan pa nilang duha ang petsa sa ilang umaabot nga kasal.

Bag-ong inspirasyon

Giangkon ni JC de Vera nga duna siya’y gidiskartehan karon nga  non-showbiz girl. Nagpasabot kini nga naka-move on na siya sa breakup nila ni LJ Reyes. "Kasi pag showbiz hindi nagwo-work eh so try-try din nang iba," suma pa sa aktor.

Shawn mi-resign sa TV5

Mi-resign na si    Shawn Yao  isip reporter sa TV5 gumikan kay hatagan niya og pagtagad ang  Bloomberg TV Philippines. Naghinam-hinam na si Shawn sa mga tahas nga iyang atubangon.

Andam na si Bianca

Andam na si Bianca Gonzales sa iyang pagpanganak nga mahitabo na pipila ka adlaw gikan karon. Nagpanikad na si Bianca nga makakita sa iyang unang liwat . Mao kini ang labing una nga anak nila ni JC Intal ug ilaha kini panganlan og "Lucia."

Dimalupig

Naghisgot sa kinabuhi sa mga Pinoy nga nagtrabaho sa barko ang indie film nga Dimalupig.  Ipasalida ang maong indie flm  sa nagkadaiyang maritime school sa Pilipinas ug kini gibitoonan nila ni Julio Diaz, Irma Adlawan, Orlando Sol,  Otep Navarro, Jaime Roderico ug  Capt. Noli Ebora.  Usa sa nakadayeg ug miindorsar sa Dimalupig  mao ang Angkla Party-list .

Sexy dance number  ni Sarah suportado ni Richard

Malipayong gibutyag ni Sarah Lahbati nga suportado siya sa iyang boyfriend nga si Richard Guttierez sa iyang sexy dance number sa Sunday musical variety show sa ABS-CBN nga ASAP.

“Pinipilit ko siyang manood. Natutuwa naman siya. He’s very, very supportive and every time I have a performance, sinasabi ko na tumutok siya kasi importante sa akin 'yung opinion niya and ng loved ones ko kasi nga I’m very OC and perfectionist,” saysay pa ni Sarah .

Suma pa sa aktres nga kanunay gyud siya mangayo og reaksyon ni Richard aron masayod siya kung okay ra ba o dili ang iyang performance.

Mapasalamaton si Sarah sa Kapamilya network gumikan kay bisan wala pa siya’y kontrata sa maong istasyon, gihatagan gyud siya og mga proyekto.

 “Sobrang nakakataba ng puso. Sa mga tweets na nakukuha ko, sa mga comments, sa messages or even when I just walk around in this building, nafi-feel ko talaga 'yung warm welcome. It feels really good,” dugang pa niya.

Elizabeth Ramsay mipanaw

Mipanaw  kagahapon ang    83 anyos nga  beterana nga komedyanteng  singer nga si  Elizabeth Ramsey samtang siya natulog.

  Ang iyang anak nga si Jaya maoy mikumpirmar sa maong balita pinaagi sa iyang Facebook account.

"Mama Beth is now with our Lord... 83 years has been full. Love and laughter, she has given not just our family but the whole nation. Thank you for your love and prayers and I rejoice because she passes in her sleep. In peace. In God's loving arms. Bye mama, until we meet again. I love you forever. Thank you Jesus,” post pa ni Jaya sa Facebook.

Kahinumduman nga niadong August 6. Giatake si Elizabeth  sa hyperglycemia o ang pagsaka sa glucose sa dugo nga maoy rason sa  iyang pagka- stroke ug dali kini nga gidala sa .Philippine Heart Center.

Misikat si  Elizabeth human kini nidaug sa usa  ka  singing contest sa  noontime show nga  Student Canteen niadtong 1958. Human nakadaug  sa maong  contest, nahimong performer si  Elizabeth  sa  Manila Grand Opera House.  Naka-perform  na usab siya  Clover kung din nakatrabaho niya ang mga sikat nga komedyante kaniadto nga sila si  Aruray, Balot ug  Casmot.Natawo si Elizabeth niadtong  December 3, 1931 sa  San Carlos City, Negros  Occidental. 

Kris miatras sa pelikula

Gikatahong  miatras si  Kris sa umaabot nga pelikula nila ni  Quezon City Mayor Herbert Bautista  nga  All You Need Is Pag-ibig .

Ang maong pelikula malakip unta sa Metro Manila Film Festival karong Disyembre.

Nahibaw-aw ang pag-atras sa aktres gumikan sa iyang mga nagsagunson nga post sa Instagram niadtong Miyerkules .

Aduna’y mensahe nga nagkanayon nga dili bakante ang iyang gipili nga cinematographer hinungdan nga dili siya mopadayon sa maong proyekto.

“This is about a film, and just [one] request on my end after endless compromising to honor my commitment. Tonight I got word that the only person I asked for just couldn’t do the project because of scheduling conflicts,”  tipik sa gi-post ni Kris.

Aduna’y mga pagduda nga ang gustong makatrabaho ni Kris mao si Neil Daza nga nakauban niya kaniadto sa   “Feng Shui” 1 ug  2.

“His job was to hold a mirror to my heart [and] soul for you to see in our movie, and I knew I’d be in good hands… And it just couldn’t fall into place. In tackling this movie, I was taking the leap of faith of reopening already healed wounds until I realized tonight, what for?,” dugang post sa TV host-actress.

Sa laing post, nangayo og pasaylo si Kris ngadto kang Star Cinema managing director Malou Santos, Star Cinema creative group manager Kris Gazmen, ug sa direktor sa maong proyekto nga si  Antoinette Jadaone.

“I’m sorry for the stress I put you through, the many wasted hours working on the project, and the all effort you exerted… I was wrong to commit to something that in all honesty I am emotionally, physically [and] mentally not ready for,” saysay pa ni Kris.

Sa pagsuwat niining balitaa, wala mohatag  og statement  ang Star Cinema  kung ipadayon pa ba o dili ang maong pelikula. 

Malakip unta sa All You Need Is Pag-ibig sila si Kim Chiu ug Xian Lim. (Sanden J. Anadia)

Alden pasok sa world album chart 

Naghudyaka ang fans ni  Alden Richards  gumikan kay nasulod sa Top 10 World Album chart  ang self-titled album sa ilang idolo.

 Nahimutang sa ika-10 nga puwesto ang album  ni Alden sa album chart sa website sa American music magazine nga Billboard. Gibase ang  album chart nga nakuha nga sales data gikan sa  Nielsen Music.

Nasulod pud sa listahan  ang album sa  K-Pop group nga  iKON ug  Seventeen, ingon man usab ang  Swedish rock band nga Dungen. Nahimutang sa number one spot ang album nga  “Mad” sa  all-male K-Pop group nga GOT7.

Dili pa lang dugay, gitunol sa  Universal Records ngadto kang Alden  ang Gold record award alang sa iyang album. Giingong mikusog ang  sales niini gumikan sa kasikat sa tandem nila ni Maine Mendoza sa kalyeserye sa Eat Bulaga. “Nagpapasalamat po ako sa Universal Records for trusting me with my first album na kahit hindi po ako singer ay binigyan nila ako ng chance. Sa lahat po ng sumusuporta ng album, salamat po!,” saysay pa ni Alden. Kahinumduman nga emosyonal ang aktor sa dihang gidawat niya ang maong award gumikan kay wala niya damha ang kalampusan nga iyang naangkon.

Rihana magmatngon na!

Nagmalaumon gihapon ang RNB  singer nga si Rihanna nga moabot ra gyud sa saktong panahon ang iyang Mr. Right.

Suma pa sa singer nga dili lalim ang iyang  lovelife kaniadto busa magmatngon na gyud siya kung mosulod siya og balik sa usa ka seryosong relasyon.

Kahinumduman nga nakatilaw  og kulata si Rihanna kaniadto sa dihang uyab pa sila ni Chris Brown niadtong 2009.

Giangkon ni Rihanna nga gisuwayan niya og luwas ang relasyon nila ni Chris apan wala kini mosaler gumikan kay wala gihapon kini mausab.

Suma pa sa singer nga nagmata na siya ug dili na siya magpadala dayon sa diskarte sa mga lalaki.

Dugang pa ni Rihanna nga kontento na siya sa  iyang pagka-single  ug tak-om lang siya sa report nga nag-link sa iyang pangalan ngadto sa  rapper nga si Travis Scott.