ALDUB fans nabuang sa ka kilig!
CEBU, Philippines - Nagkagubot ang AlDubNation o mga fans nila ni Alden Richards ug Yaya Dub (Maine Mendoza) gumikan kay subling nagkita ang duruha atol sa Kalyeserye sa Eat Bulaga kagahapon.
Nisamot og ka kilig ang mga fans gumikan sa mga eksena nga nagkadug-ol na gyud sila, apan duna lay tabon ang ilang mga mata. Lain nga nakapakilig sa fans mao nga daw nagka lips to lips ra sab ang duruha human sila nagpuli-puli pagsuyop sa straw sa iced coffee nga gipainom kang Duhreez (laing character ni Wally Bayola) kanila.
Gipakpakan sab og maayo sa mga nakakita sa Eat Bulaga Kalserye kagahapon ang acting moment ni Wally isip Duhreez kagahapon. May mga nanawagan nga angayan matud pa kining modawat og acting award.
Niulbo pa og maayo ang kakilig sa fans human ni tweet si Joey de Leon nga human matud pa sa Eat Bulaga kagahapon nigakos kaniya si Alden ug niangkon nga daw lahi na ang iyang gibati para kang Maine.
Samtang 4:58 kagahapon, nitala na og 4.01M tweets ang ?#ýALDUBTheAbduction?. Gipaabot nga gub-on niini ang ilang record nga 5.8M tweets nga gitala sa nilabay sab nga Sabado, atol sa unang panagkita sa AlDub.
- Latest
