Rhian molugwa sa Dos

CEBU, Philippines - Gikatakdang molugwa sunod adlaw sa pipila ka mga show sa ABS-CBN ang Kapuso actress nga si Rhian Ramos aron mag-promote sa indie film nila ni Piolo Pascual nga Silong. 

Kausaban sa Ningning

Gipahibalo ni Ketchup Eusebio nga dunay dakong twist nga mahitabo puhon sa istorya sa seryeng Ningning sa ABS-CBN ug angayan kini atngan sa viewers. Malipayon si Ketchup gumikan kay naglawig matud pa ang ratings sa maong serye.

Vic mitubag sa isyu

Gihimakak ni Vic Sotto ang nanggawas nga report nga matud pa dili uyon ang iyang mga kabanay sa planong pagpakasal nila ni Pauleen Luna. “Yung mga kontra-kontra, tsismis lang ‘yan,” nagkanayon ang komedyanteng TV host.

Natuman nga pangandoy

Gilusad na kagahapon ang solo album ni Yassi Pressman ubos sa Viva Records. Natuman na gyud ang dugay na nga pangandoy ni Yassi nga makabaton og kaugalingong album.

I’ll Never Get Over You

Final na nga magpares sila si Alex Gonzaga ug Edgar Allan Guzman sa umaabot nga pelikula sa Star Cinema nga duna’y working title nga  I’ll Never Get Over You. Si Enrico Santos maoy direktor niini.

Isabel mabdos?

Miulbo karon ang hungihong nga matud pa nagsabak si Isabel Oli alang sa labing una nga anak nila ni John Prats.  Wala pa mohatag og official statement ang duha.

Best in react

Wala mahimuot ang uyab sa natagak nga housemate sa Pinoy Big Brother nga si Mikee Agustin gumikan kay matud pa dili gyud kini makiangayon. Ang uyab ni Mikee nga si Yexel Sebastian mihulagway sa hukom sa PBB nga “”masyadong malupit” . Usa si Mikee sa natagak sa maong show gumikan kay wala kini kadaug sa usa ka challenge ug kauban niya nga natagak mao sila si Charlhone Petro, ug Krizia Lusuegro.

Two months

Duha na ka buwan nga mag-uyab sila si Fabio Ide ug Bianca Manalo. Nasayran nga tulo ka buwan gyud nga gipanguyaban ni Fabio si Bianca.  Andam si Fabio nga pakaslan si Bianca gumikan dili gusto nga matiguwang nga wala’y kapikas sa kinabuhi. “She’s everything that I’ve been looking for in a girl,” suma pa ni Fabio.

Mag-uban sa stage play

Mag-uban ang kanhi mag-uyab nga sila si Jasmine Curtis Smith ug Sam Concepcion sa stage play nga No Filter 2.0. Wala ‘y problema si Jasmine niini ug gitataw niya nga magtagad gihapon sila ni Sam.

Jovit gisaway ni Wency Cornejo

Gisaway sa singer nga si  Wency Cornejo ang produkto sa  Pilipinas Got Talent  nga si  Jovit Baldivino gumikan kay matud pa wala kini nagpakita og saktong respeto atol sa usa ka event didto sa General Santos City sa miaging gabii.

Nagkanayon si Wency nga gikanta gyud ni Jovit ang awit nga Pusong Bato bisan pa man nga gihangyo kini nga dili na lang kantahon isip pagpakita og respeto sa original nga naggama ug nagkanta niini nga si Renee dela Rosa.

Nasayran nga lakip sab sa performers sa maong show si Renee uban sa iyang banda nga Alon.

Gihangyo matud pa si Jovit nga dili na lang mag-una una og kanta sa Pusong Bato gumikan kay posibleng kantahon kini sa original nga nagkanta niini.

Apan matud pa wala gyud nagpapugong si Jovit ug gikanta gyud niya ang maong awit ug mao kini ang nakapapungot sa laing singer nga si Wency.

“Nag show ako kagabi sa Labangal, Gensan. Nakakalungkot isipin na may mga performer katulad ni Jovit Baldivino na hindi marunong rumespeto sa mas nakakatandang musiko. Hindi man ganun kasikat, kung ang nagsulat at orihinal na nag-record ng awitin ay kasama mo sa isang show, hindi mo dapat unahang kantahin ang awitin nya . Kahit pinakiusapan na hindi pa rin sya pumayag na huwag kantahin. It just goes to show, it is very hard to teach humility, respect and class,” suma pa sa Facebook post ni Wency .

Samtang ang road manager ni Jovit nga si Jerry Tela nisaysay ngadto sa dzMM nga wala makahibalo ang iyang kampo sa line-up sa performers sa maong show.

Matud pa niya nga igsuon ni Sarangani Rep. Manny Pacquiao nga si konsehal Bobby Pacquiao maoy nag-request kang  Jovit nga mokanta og  “Pusong Bato.”

Human nag-viral ang post ni Wency sa Facebook, gihangyo niya ang iyang fans nga dili na lang labhan og maayo si Jovit.

“Sa lahat ng mga nag re-reply sa post ko, sana naman huwag tayong manlait ng kapwa. Kung nagkamali man pwede naman tayo magpatawad. If you resort to name calling and bashing, it only goes to show that you are also lacking in respect, humility and class,” dugang pa ni Wency.

Nagsinumbagay sulod sa erolano

Naglalis matud pa si Enrique Gil ug Luis Manzano nga nisampot sa sumbagay sulod sa eroplano sa ila nang pagpaingon balik dinhi sa Pilipinas. Ang duruha lakip sa cast sa ASAP nga nag-show didto sa nilabay nga adlaw.

Wala pa matino unsay hinungdan sa ilang panaglalis ug wala pay niluwat og pamahayag kabahin niini. (BANAT NEWS)