Ellen nagpanikad sa party

CEBU, Philippines - Naghinam-hinam na si Ellen Adarna sa pagtambong sa Star Magic Ball sunod semana gumikan kay mao kini ang labing una nga higayon nga musalmot siya sa maong event. Ang kauban niya sa seryeng Pasion de Amor nga si Ejay Flacon maoy escort niya sa nahisgutang kalihukan.

Hinay-hinay sa pag-angkon

 Nakaamgo si Dennis Trillo nga okay diay nga mauyab og balik ang ex-girfriend.   Giingong pasumbingay na kini nga nagkabalik gyud sila ni Jennylyn Mercado.

Mokanta sa theme song

Si Rachelle Ann Go maoy mokanta sa theme song sa GMA Pinoy TV. Maghatag usab kini og kahigayonan kang Rachelle Ann nga mahimamat ang mga Pinoy sa ubang nasud. 

Regine naikog sa mga kauban

Giangkon ni Regine Velasquez-Alcasid nga malakip diay unta siya sa Sunday PinaSaya apan iyaha kining gibalibaran gumikan kay maikog siya sa mga kaubanan niya kaniadto sa Sunday All Stars nga nawagtangan og trabaho.Mo-focus si Regine sa iyang pagkahurado sa bag-ong season StarStruck.

Safe nga tubag

Giklaro ni Mark Herras nga wala sila nagkauyab ni Winwyn Marquez. Una na nga nigawas ang report nga gibasted ni Winwyn si Mark gumikan kay dili pa kini andam mosulod og relasyon.

Imelda Papin mag-kongresista

Nagplano ang beteranang singer nga si Imelda Papin nga mosalmot sa politika karong 2016. Target niya nga modagan pagka-kongresista sa usa sa mga distrito sa Bicol.

Derek nagbitbit sa uyab

Gidala ni Derek Ramsay ang iyang girlfriend nga si Joanne Villablanca sa premiere night sa pelikula nila ni Coleen Garcia nga Ex With Benefits.  Nakasabot ra ang uyab ni Derek sa iyang trabaho busa wala kini magselos sa daring scene nila ni Coleen sa maong pelikula.
 

Nagka-close na

Dakong garbo alang kang Coco Martin nga nagkasuod sila ni Susa Roces. Kauban ang duha sa serye sa ABS-CBN nga Ang Probinsyano nga gibidahan sa bana ni Susan nga si anhing Fernando Poe Jr. sa movie version niini.  Suma pa ni Coco nga beteranang artista si Susan busa daghan siya og nakat-onan niini.

Richard ganahan mag-kontrabida

Kanunay nga buotan ang role ni Richard Yap sa nagkadaiya niya nga mga proyekto busa gipangandoy sa aktor nga makasuway puhon og kontrabida role aron masukod gyud ang iyang  pagka-artista. (Sanden J. Anadia)

Vic ug Pauleen engaged na!

Gikumpirmar kagahapon sa 61 anyos nga  komedyanteng TV host nga si Vic Sotto  nga  engaged na sila sa iyang 26 anyos nga girlfriend nga si  Pauleen Luna.

Gianunsyo kini ni Vic sa presscon sa usa niya ka endorsementug nahisgutang kini gumikan sa maka-intriga nga singsing nga gisul-ob ni Pauleen sa Eat Bulaga niadtong Martes.  Wala hinoun gidetalye  ni Vic ang detalye sa ilang kasal.

Ang maong singsing duna’y dakong bato ug gipistahan kini sa netizens sa miaging adlaw.

Nabantayan usab sa social media nga nakadawat og daghan pahalipay si Pauleen gikan sa iyang mga higala ug usa na niini  mao an iyang g acting coach nga si Beverly Vergel kinsa nakabase karon sa Canada..

Suma pa ni  Beverly sa  unang post: "CONGRATULATIONS!!!! I am sooo happy for you!!! It's meant to be. This love will last a lifetime.”

Sunod nga post ni Beverly mao ang screenshot sa nadawat niya nga text message ug tataw nga si Pauleen maoy nagpadala niini.

Nakabutang sa  text: “Before it comes out on the news, I want you to be one of the first ones to know.I’m engaged! . God has been so faithful to me!I’m so happy and I want to share the happiness with you halfway across the globe. I love you Tita Bev!.” (BANAT NEWS)