P-Noy parang si Kris lang?!

SEEN: Ang presence kahapon nina Congressman Alfred Vargas at Mother Lily Monteverde sa proklamasyon ni P-Noy kay DILG Secretary Mar Roxas bilang presidential candidate ng Liberal Party ang kumpirmasyon na suportado nila ang kandidatura ng asawa ni Korina Sanchez.

SCENE: Very Kris Aquino si P-Noy nang paringgan nito sa kanyang speech ang mga kalaban niya sa pulitika. It runs in the family.

SEEN: Mayaman ang businesswoman at aspiring actress na si Kate Brios kaya siya ang nag-produce ng kanyang launching movie, ang Maria Labo na mula sa direksyon ng former action star na si Roi Vinzon.

SCENE: Nagbago ang reaksyon ng mukha ni Julie Anne San Jose na halatang nagulat nang kantiyawan siya ng mga reporter na halikan niya sa pisngi si Alden Richards sa presscon ng Sunday PinaSaya noong Huwebes.

SEEN: Ang Mari Mar ang ipapalit ng GMA 7 sa timeslot na mababakante ng Pari ‘Koy, ang teleserye ni Dingdong Dantes na matatapos ngayong Agosto.

SEEN: Dumating kahapon sa Pilipinas ang Asia’s Got Talent judge na si Vaness Wu dahil kasali siya sa isang fashion show na ginanap kagabi sa isang club sa Taguig City.

SCENE: Sinuportahan kahapon nina Bea Alonzo at John Lloyd Cruz ang One More Chance DVD/Novel launch sa isang Quezon City Mall.

SEEN: Nabahala si Yaya Dub sa balita na nagagalit kay Julie Anne San Jose ang fans ng Aldub. “Respect na lang then let’s just all a bake a cake filled with rainbows and smiles and be happy” ang mensahe ni Yaya Dub sa mga basher at hater.