Panay ang pa-interbyu sa relasyon nila ni P-Noy, Pia inaakusahang gamitera; Apela ni Bong na makadalo sa graduation, hindi nakalusot sa Sandigan

SEEN : Kinaiinisan na si Pia Wurtzbach dahil sa walang tigil na pagpapainterbyu tungkol sa ‘rumored love affair’ nila ni P-Noy. Dapat itikom ni Pia ang bibig upang hindi siya maakusahan na gamitera. With or without P-Noy, mapag-uusapan siya dahil sa kanyang beauty title.

SCENE : Mali ang haka-kaha na tumanggi si Melissa Mendez na magsalita tungkol sa demanda sa kanya ni Rey Pamaran dahil statement pa rin ang komento niya na “I was advised not to comment on the issue considering the case against me is already filed. This is also in due respect to the office hearing the case. God bless us all.”

SEEN : Nagbakasyon sa Singapore si Rey Pamaran matapos idemanda si Melissa Mendez. Isang male model ang namataan na kasama ni Pamaran sa biyahe niya sa Singapore.

SCENE : Ang panawagan ni Robin Padilla kay Rey Pamaran na patawarin na nito si Melissa Mendez. Hindi yata nakarating kay Robin na pinatawad na ni Rey si Melissa ngunit hindi nito pinagbigyan ang hiling na bawiin ang kanyang mga pahayag sa telebisyon na salat sa katotohanan.

SEEN :  Binuhay ni Amalia Fuentes ang relasyon noon nina Coney Reyes at Vic Sotto dahil sa malaking tampo niya sa  dating co-host ng Eat Bulaga. Masama ang loob ni Amalia kay Coney dahil ito raw ang hindi nagbanggit sa pangalan niya sa cremation ceremony  para sa kanyang anak na si Liezl Martinez.

SCENE : Inaabangan ang sagot ni Coney Reyes sa bintang sa kanya ni Amalia Fuentes ngunit may mga nagsasabi na malabo ito na mangyari dahil mas pipiliin ni Coney na ipagdasal ang detractors niya.

SEEN : Hindi pinayagan ng First Division ng Sandiganbayan na makadalo si Senator Bong Revilla, Jr. sa high school graduation ngayon, March 28 ng kanyang anak na si Loudette.