Unahon ang bunyag

CEBU, Philippines – Gibutyag ni Ara Mina nga mas ganahan siya nga mauna ang bunyag sa ilang anak ni Bulacan Mayor Patrick Meneses kaysa sa pagpakasal. Suma pa sa aktres,“Mauuna muna 'yung binyag [bago ang kasal]. Siyempre gusto ko sexy na ako kapag kinasal ako. Siguro mas maganda kung medyo nakakalakad na si baby Amanda.”

Pinangga ang lolo

Nahimong emosyonal si Vice Ganda sa The Buzz niadtong Domingo human gipangutana kabahin sa iyang lolo kinsa anaa karun sa di maayong kahimtang sa hospital. Nasayran nga suod gayud kaayo silang duruha kay mao kini ang nag-amoma kaniya sa dihang nilarga ang iyang inahan sa United States.

Naglikay sa selos

Gibutyag ni Robin Padilla nga normal ra nga magselos ang iyang asawa nga si Mariel Rodriguez kang Vina Morales, iyahang ex-girlfriend ug leading lady niya karun sa “Bonifacio: Ang Unang Pangulo.” Apan iyang giklaro nga wala kini kaso kanila sanglit si Mariel matud pa ang nipili ni Vina nga mahimong asawa ni Robin sa maong salida.

Gibuking ni Bimby

Aksidenteng nayawit ug napangutana ni Bimby Aquino Yap kang Vice Ganda sa The Buzz kung uyab ba niini ang ginganlan og “Kevin.” Nasayran nga permi kining manghilabot sa celpon sa maong komedyante ug nga nabasahan ang maong pangalan. Si Vice, kinsa nakurat miingon, “Walang duda anak ka nga ni Kris Aquino. Nakakaloka kayong mag-ina."

Grabeng tagna

Gikataw-an lang ni Coco Martin ang tagna kaniadto sa usa ka psychic nga iyang mapamabdosan si Kris Aquino. Suma pa sa aktor, “Actually kahit ako nun natatawa sabi ko nga 'yung respeto ko kay Ate Kris kasi parang kapatid ko na 'yan. And then siyempre nahihiya ako sa Aquino family na may ganong issue."

Miani og award

Nominado si Richard Yap ug Jodi Sta. Maria isip Favorite Foreign Actor and Favorite Foreign Actress sa Green Star Awards didto sa Vietnam. Samtang ang ilang “Be Careful With My Heart” nominado usab sa Favorite Foreign Drama Series category.

Mibisita sa Dagitab

Mibisita sa Sugbo niadtong Domingo ang PBB All-In housemates Jane Oineza, Joshua Garcia, Loisa Andalio, Fourth Pagotan ug Aina Solana atol sa selebrasyon sa Dagitab Festival sa dakbayan sa Naga.