Ipinangalandakan pa ang mga ari-arian Jennylyn Mercado parang gustong magpahabol sa BIR

SEEN: Si P-Noy sa concert ni Sergio Mendes na Sergio Mendes and Brasil 2014 sa Smart Araneta Coliseum noong Sabado ng gabi.

SCENE: Ang Smart Araneta Coliseum ang venue ng wedding reception nina Bianca Gonzales at JC Intal sa December 10, 2014.

SEEN: Noong Sabado ang last shooting day ng  English Only Please pero kahapon lamang ng umaga na-pack ang filming ng pelikula nina Jennylyn Mercado at Derek Ramsay na official entry sa 2014 Metro Manila Film Festival (MMFF).

SCENE: Wrong move na ipangalandakan ni Jennylyn Mercado sa TV ang mga ari-arian na kanyang naipundar dahil maaari niyang makuha ang atensyon ng BIR.

SEEN: Hitik na hitik sa acting ang mga kilos at reaksyon ni Lea Salonga sa blind audition ni Niño Alejandro sa The Voice of the Philippines noong Sabado.

SCENE: Ang Bench TV ad at billboards ni Daniel Padilla na kamukhang-kamukha ni Charice sa biglang tingin. Papasa na magkapatid sina Daniel at Charice.

SEEN: Pinagtatawanan ang tsismis na pinipirata ng ABS-CBN si Kris Bernal dahil nakaparaming artista ng Kapamilya Network ang naghihintay ng malaking break. Tiyak na papatulan at sasagutin ni Kris ang tsismis, for publicity purposes.

SCENE: Eighteen pounds ang nabawas sa timbang ni Mark Bautista mula nang mamalagi siya sa London para sa musical play na Here Lies Love.