Angeli Bayani tinalbugan sina Vilma Santos at Nora Aunor sa Gawad Urian

MANILA, Philippines – Nakuha ng theater at independent film actress na si Angeli Bayani ang Best Actress award para sa pelikukang “Norte, Hangganan ng Kasaysayan” sa 37th Gawad Urian kagabi.

Malaking award ang nabingwit ni Bayani na nakalaban ang mga beteranang aktres na sina Vilma Santos (Ekstra) at Nora Aunor (Ang Kuwento ni Mabuti) gayun din sina Cheril Gil (Sonata), Eugene Domingo (Instant Mommy), Agot Isidro (Mga Anino ng Kahapon), at Lorna Tolentino (Burgos).

“It was an honor to be nominated alongside such honorable actresses, such brilliant actresses. I feel like this is not happening right now," sabi ni Bayani.

“At feeling ko kailangan ko magtago kasi baka... mga Noranians and Vilmanians, okay po tayo, ha? Fan din po ako, maniwala kayo,” hirit niya.

Wagi din ang pelikulang Norte, Hangganan ng Kasaysayan ng Best Picture at Best Screenplay, habang kinilalang Best Director si Hannah Espia para sa "Transit."

Samantala, best actor naman si Joel Torre para sa "On The Job."

Best Supporting Actress at Actor naman sina Angel Aquino (Ang Huling Cha-Cha ni Anita) at Jun-Jun Quintana (A Philippino Story).

Narito ang kumpletong listahan ng mga nanalo:

Best Picture: Norte Hangganan ng Kasaysayan
Best Actor:Joel Torre (On The Job)
Best Actress: Angeli Bayani (Norte, Hangganan ng Kasaysayan)
Best Supporting Actor: Junjun Quintana (A Philippino Story)
Best Supporting Actress: Angel Aquino (Ang Huling Cha-Cha ni Anita)
Best Direction: Hannah Espia (Transit)
Best Screenplay: Lav Diaz and Rody Vera (Norte, Hangganan ng Kasaysayan/Wacky O Productions)
Best Production Design: Adolfo Alix, Jr. (Porno)
Best Music: Emerson Texon (Sonata)
Best Cinematography: Lauro Rene Manda (Norte, Hangganan ng Kasaysayan)
Best Editing: Chuck Gutierrez (Riddles of My Homecoming)
Best Sound: Corinne de San Jose (On The Job)
Best Short Film: Missing
Best Documentary: Nanay Mameng