Iampo unta

CEBU, Philippines - Gidepensahan ni Jasmine Curtis-Smith ang iyang ate nga si Anne Curtis batok sa mga niingon nga maayo ra nga nabiktima og jellyfish ang ‘Dyesebel” star gumikan sa labing bag-o niining kontrobersiya nga naglambigit kang Sam Concepcion. Matud ni Jasmine inay mag-away, angayan matud pa nga iampo ang daling pagkaayo sa iyang maguwang gumikan kay ang jellyfish sting usa matud pa sa mga makamatay.

Hunyo pa mahuman

Extended og walo ka semana ang Rhodora X, ang primetime series sa GMA7 nga gibidahan ni Jennylyn Mercado kauban nila ni Mark Herras, Yasmien Kurdi, ug Mark Anthony Fernandez. Buot pasabot, hangtud pa kini sa Hunyo karong tuiga.

Bag-ong bf ni Cristine

Naglanog karon ang pangutana kun ang professional Mixed Martial Artist ba nga si Ali Khatibi ang bag-ong boyfriend ni Cristine Reyes. Naggumikan kini niining mga hulagway nga gi-post mismo ni Cristine niining bag-o lamang. Nasayran nga kanhi URCC (Universal Reality Combat Championship) Featherweight champion si Khatibi ug na-feature sa Cosmo Men magazine sa nilabay nga tuig isip usa sa 69 Bachelors. Nasayran usab nga mismong si Cristine nag-mixed martial arts  na sab ilabi na Brazilian Jujitsu niining bag-o lamang, busa gituohan nga dinhi sila nagkaila… Gikan sa www.getitfromboy.net (BANAT NEWS)