Daghang magbirthday ron

CEBU, Philippines - Yes, mga Pangga! Before anything else gihapon! HAPPY BIRTHDAY karong adlawa gayod ngadto nilang Edgar Escalante [ABS-CBN], my cousin Cherryl Barba Cortes [asawa ni Victor Cortes, nga igsuon ni Mandaue City Mayor Jonas Cortes, Ka Bino Guerrero, Wendell Yulo, Dr. Borgonia, Jolo Revilla, ug maam Kathy Oyson, ug yezz,  si ako. Pero way wawarts, mao nga, mo-hitch hike na lang ko's birthday ni Danzel Marx Diada Relatado, kay bisa'g March 16 siya, ugma man siya mag-birthday [take note, ninong Roger Serna]. Tingali, si Ahmed Cuizon sa LTFRB, ugma lang pod mag-celebrate sa iyang birthday kay trabaho man sa iyang birthday sa Lunes. Busy ra ba kaayo ron ang mga taga LTFRB ug LTO kay duna sila'y mga bag-ong mga balaod ron. Kana konong mga batan-ong magpadagan sa ilang , unsa na skate board, angayan na gyod konong dakpon. Ask lang sad ko. Kanang mga bisiklita? Magpatuyang ra ba pod na sila'g padagan. Bisa'g stop, paturatoy gyo'g padagan, way preno preno. Unsa man na sila, sir Joy Tumulak? Hawod kaayo na sila.  Kaniadto, sa among panahon, nga nagtuon pa gani ko'g bisiklita ug kun wa ko mabangga sa Menzi & Co.(kanang Gaisano Main ron], makamao na unta kong mobisiklita ron. Atong panahona, ang bisiklita, kinahanglang dunay headlight ug torotot [pito sama nianang pito ron sa namaligya'g ice cream]. Karon wa na, pero abusado pa ang magsakay. By the way, bisa'g wa mo mangutana, nahimong cousin nako, kay anak siyang anhing Tiyo Goling ug anhing Tiya Trining Barba, nga first cousin sa akong mama. Ang mama ni anhing Tiyo Goling si Lola Petra Aguilar Barba, ug ang mama ni anhing mama Salud, si Lola Maria Aguilar Espinosa magsoon. Dili ni nako ikaulaw, hangtod ron, nag-ilhanay man ming paryente.