Best Actor sa Korea

CEBU, Philippines - Midaog isip Best Actor sa 17th Puchon International Fantastic Film Festival didto sa South Korea pinaagi sa pelikulang OJT (On The Job) nga ubos sa direksyon ni Erik Matti. Ang maong pelikula pud ang milangkat sa Special Jury Prize. Kahinumduman nga gipakpakan pud ang nahisgutang pelikula atol sa 66th Cannes Film Festival niining bag-o lamang.

Go Urbandub!

Ang Urbandub maoy front act sa umaabot nga concert sa Linkin Park karong August 13, sa MOA Arena. Ang concert sa Linkin Park gitumong para makahipos og hinabang para sa mga nabiktima sa Bagyong Sendong.

Wala magkaistorya

Gisalikway ni Dennis Trillo ang intriga nga kiwaw ang eksena nila sa iyang ex-girlfriend nga si Bianca King niadtong nag-abot sila sa launching sa Yes! 100 Most Beautiful Stars niadtong milabay nga adlaw ug wala matud pa sila magtagad. Matud ni Dennis, wala matud pa sila nagkaistorya ni Bianca kay mibiya kini og sayo, samtang siya na-late sanglit gikan pa siya og pictorial.

Kinagwapohan

Para kang Max Collins si Dingdong Dantes maoy labing ambongan nga lalaki sa Philippine showbiz. Si Max ug Dingdong nagpares sa GMA-7 primetime series “Pahiram Ng Sandali” kaniadto ug managsama og talent manager.

Dili pangitaon ang love

Subling namahayag si Matteo Guidecelli nga ang lovelife dili gayud matud pa kinahanglang pangitaon gumikan kay muabot ra gyud matud pa kini sa tukmang panahon. Si Matteo kanhi uyab ni Jessy Mendiola ug gilambigit karon kang Sarah Geronimo.

Ayaw na lang Anne

Tak-om si Anne Curtis bisan giunsa og sukit-sukit unsay iyang nahibaw-an nga rason sa panagbuwag nila ni Nikki Gil ug Billy Crawford. Si Anne ug Billy magco-host sa noontime show sa ABS-CBN nga ‘Showtime” hinungdan nga suod silang managhigala ug gidudahan nga aduna siyay nahibaw-an kabahin sa break-up.

Salamat sa MHL

Nagpasalamat ang Starstruck alumna nga si Kevin Santos sa iyang role sa “My Husband’s Lover” gumikan kay misikat na siya karon. Si Kevin mao si Danny sa kanunay nga gihisgutan nga teleserye sa GMA-7 primetime ug daghan ang mipakpak sa paghatag niya og kinabuhi sa iyang papel nga bayot ug bestfriend ni Ericson del Mundo (Dennis Trillo).

Beautiful inside and out

Para ni Daniel Padilla, gipili sa YES! ang iyang ka loveteam nga si Kathryn Bernardo gumikan sa kaanyag sa dagway ug kasingkasing niini. Si Kathryn ug Julia Montes maoy gideklara nga labing mga maanyag sa YES! 100 Beautiful Stars karong tuiga.

Nataypan gyud

Nindot matud pa nga paminawon ug bation nga gidawat siya sa pamilya ni John Lloyd Cruz. “Masarap sa pakiramdam na ganoon nila ako katanggap.”

Buot mapangasawa

Suma pa ni John Prats si Isabel Oli na matud pa ang babaye nga buot niyang mapangasawa. “ Oo definitely,” pag-uyon pa ni John.

Bakak ang tsika

Gisalindot ni Richard Yap ang tsika nga nagselos matud pa kang Jodi Sta. Maria ang iyang asawa, samtang si Jolo Revilla nga uyab sa aktres nangabubho pud kaniya. Ang duruha maoy loveteam sa malampuson kaayo nga romantic series sa ABS-CBN, “Be Careful With My Heart” nga mikapin na sa tuig ang pagsalida gumikan sa kasikat ug ka taas sa rating niini.