Tom nanamilit na

CEBU, Philippines - Nanamilit na kagahapon si Tom Rodriguez  sa  morning series  sa ABS-CBN nga "Be Careful With My Heart." Sa episode kagahapon,  ang karakter niya isip Jeff mianunsyo nga molarga siya sa Dubai aron motrabaho. Mo-focus na si Tom sa seryeng My Husband’s Lover sa GMA-7.

Kondisyon

Mosugot si Louie Ignacio nga ipagamit nga lokasyon sa mga pelikula ang bongga niya nga resthouse sa Pagsanjan, Laguna sa kondisyon nga siya ang direktor o producer niini  aron duna siya’y  kontrol.

Melai ug Jason nag-uli

Gipahibalo ni Melisa "Melai" Cantiveros nga sa miaging buwan pa sila nagkabalik ni Jason Francisco. Kahinumduman nga nagbuwag sila sa miaging tuig gumikan kay wala sila magkasinabtanay ilabi na sa batasan ni Jason nga barkada ra’y gipalabi niadto.

Cavalli nagkapuliki’g panagang!

Nagkapuliki og panagang ang sikat nga Italian designer nga si Roberto Cavalli sa mga pagsaway nga iyang nadawat gumikan sa press release nga iyang gipagawas niadtong Martes.

Unod sa maong press release ang imahi ni Beyonce nga nagsul-ob sa  labing bag-ong design ni Cavalli. Ang problema mao nga tataw nga gi-photoshop ang maong imahi sa pop star aron mugawas nga niwang kini kaayo. Pwes mikisi-kisi ang mga fans sa pop star gumikan nawagtang ang mga makabibihag nga mga kurbada sa lawas niini, dili na bus-ok.

Puwes pagka sunod ugma mi-tweet si Cavalli og link sa iyang Facebook page diin iyang giklaro nga gituyo gyud nga ingon niana ang imahe ni Beyonce sanglit sketch lamang ang maong imahi ug dili hulagway.

“Dear Fans, We would like to clarify that the image of the gown created by Roberto Cavalli for Beyoncé is a sketch and not a photo, and therefore it is only meant to be a stylized and artistic vision. Roberto Cavalli loves women and more than anyone else has always exalted and highlighted the female shape with his creations, building his signature style on the glorification of sensuality and femininity.”

"Sweetest person on earth”

Gihulagway ni Robi Domingo ang uyab niya nga UAAP volleyball player  nga si Gretchen Ho nga  "sweetest person on earth." Gibutyag usab sa TV host nga nagkalig-on ang ilang relasyon gumikan kay dili nila lalisan ang ginagmay nga mga  butang nga tan-aw nila nga makadaot sa dagan sa ilang relasyon.

Isabel magpabiling kapuso

Matud pa ni Isabel Oli nga nakontento na siya pag-ayo sa istado niya sa GMA-7 busa napapas na ang isyu nga matud pa nga mobalhin siya sa ABS-CBN aron makauban niya ang gidungog niya nga uyab nga si John Prats.