Bansag na Jennifer Lopez kay Vina, pinagtataasan ng kilay!

SEEN: Maligayang-maligaya si Lily Monteverde, producer ng Regal Entertainment, Inc., sa kanyang 73rd birthday celebration sa Imperial Palace Suites sa Quezon City noong Linggo dahil duma­ting ang kanyang pamilya at malalapit na kaibigan.

SCENE: Ang intro ni Bianca Gonzales tungkol sa sexy pictorial ni G. Toengi  pero ang video ng interview kay Zsa Zsa Padilla tungkol sa karamdaman nito ang umere kahapon sa Umagang Kay Ganda.

SEEN: Pinagtataasan ng kilay ang bansag kay Vina Morales na Jennifer Lopez ng Pilipinas.

SCENE: Malaki ang tsansa ni Martin del Rosario na sumikat kesa kay Enrique Gil. Kulang sa lalim at walang pagbabago ang facial expression ni Enrique kapag umaarte.

SEEN: Si Jeff Gaitan ng Survivor Philippines Palau ang girlfriend ni Alex Castro, ang singer-actor na gumaganap na manliligaw ni Andi Eigenmann sa Kahit Puso’y Masugatan.

SCENE: Nawalan ng tig-iisang protege sina Phillip Salvador, Ricky Davao, Jolina Magdangal, Gina Alajar, at Roderick Paulate sa elimination night ng Protégé: The Battle for the Big Artista Break noong Linggo.

SEEN: Dumalo si House Representative Lucy Torres-Gomez sa prayer vigil sa La Salle Greenhills para sa kaligtasan ni DILG Secretary Jesse Robredo.

Malapit sa La Salle Greenhills ang bahay nina Lucy at Richard Gomez.

SCENE: Mali ang report ng 24 Oras Weekend na matatagpuan sa San Juan City ang La Salle Greenhills dahil sakop ito ng Mandaluyong City.