Kasabay sa pagbabago ng mukha, Jinkee nagbago na ng ugali!

SEEN : Hindi nagpainterbyu si Jinkee Pacquiao sa mga reporter na nag-abang sa kanya sa Centennial Airport noong Miyerkules ng gabi. Kasabay sa pagbabago ng mukha ni Jinkee ang pagbabago ng kanyang ugali.

SCENE : Si Jinkee Pacquiao ang legal wife kaya wala siyang choice kundi ang lumipad sa Amerika at suportahan ang laban ng kanyang asawa kay Juan Manuel Marquez.

SEEN : Kasabay ni Jinkee Pacquiao sa kanyang US flight sina Enzo Pineda, Aly Borromeo at ang mag-inang Annabelle Rama at Ruffa Gutier­rez.

SCENE : Mas maraming balita ang ABS-CBN kesa GMA 7 sa activities ni Gwendoline Ruais pagkatapos ng pagsali nito sa Miss World Pageant.

SEEN : Ang deklarasyon na si Lolong ang pinakamalaking buwaya sa buong mundo at most hated airport ang NAIA ang mga international news ngayon, hindi na si Gwendoline Ruais.

SCENE : Bukod kay Ramgen Revilla, mga aspiring model at actor din ang ibang mga anak ni Senator Ramon Revilla, Sr. kay Genelyn Magsaysay.

SEEN : Dapat piliin ni Luis Manzano ang mga isyu na  kanyang pinapatulan at sinasagot. Nakasisira sa kanyang image ang pagsasalita  tungkol sa mga eskandalo na kinasasangkutan ng kanyang girlfriend na si Jennylyn Mercado.

SCENE : Ang pangit na ugali ni Daiana Menezes ang dahilan ng paghihiwalay nila ng direktor na si GB Sampedro.

SEEN : Sina Enzo Pineda at Louise delos Reyes ang magkasama sa launch ng Profiles magazines, pagpapatunay na hindi pa sila hiwalay.

SCENE : Magwawakas sa susunod na linggo ang Ang Utol Kong Hoodlum. Ang sequel ng PS I Love You na magsisimula sa November 21 ang papalit sa action serye ni JC De Vera.