GenSan naukay sa pag-abot ni Shamcey
CEBU, Philippines - Nagsadya og maayo ang mga tawo sa General Santos kagahapon atol sa motorkada sa ilang dapit sa Miss Universe 3rd runner-up nga si Shamcey Supsup.
Naabot si Shamcey alas nuwebe sa buntag kagahapon sa airport sa General Santos luwan sa usa ka pribadong eroplano.
Gisugat si Shamcey sa iyang mga kababayan ug giingong wala manumbaling sa kainit sa adlaw basta lang makakita sa beauty queen.
Usa sa misugat kaniya ang mayor sa ilang dapit nga si Mayor Darlin Costudio.
Hinay ang dagan sa gitungtongan niya nga float gumikan sa kadaghang tawo nga gusto molamano kaniya.
Naghuot usab ang iyang mga fans sa downtown sa GenSan ug miagi usab kini sa City Hall ug mipadayon sa PBA Junior Sports Center sa Barangay West nga gisundan sa mubo nga press conference.
Samtang gipahigayon usab kagabii ang tribute alang sa beauty queen sa Lagao Gym kung diin gi-replay ang nahitabo sa Ms. Universe 2011 nga wala’y commercial gap. (BANAT NEWS)
- Latest
