Sharon wala kahibalo kung okay na ba sila ni Aga

CEBU, Philippines -  Giingong wala na’y komunikasyon sila si Sharon Cuneta ug Aga Muhlach human nasulbad na ang ilang panagsungi apan wala pa siya kahibalo kung hingpit na ba sila nga “okay” sa aktor.

“Nag-usap kami nu’n ni Teng, ni Aga, naayos naman ang issue, kaya lang after that, hindi na kami nag-keep in touch, so ‘yun, hindi ko alam kung kami, okay. Basta okay na ‘yung issue, okay na ako, Merry X-mas,” tumatawa pa rin niyang dugtong,” tsika pa niya ngadto sa PSN.

Ang importante alang kang Shawe nga masulbad na ang isyu nga ilang nasugatan.

 Samtang bukas gihapon si Sharon nga mobuhat og pelikula uban ni Aga.

 “Okay lang, ako at this point, it doesn’t matter kung papano, basta ang importante, ‘yung istorya talaga. So, kung ‘yung istorya, babagay sa amin ni Aga, ba’t hindi? Pero kung ‘yung istorya, babagay sa amin kunyari ni Richard (Gomez) o kaya ni Gabby (Concepcion), di ba? So it’s something to be considered also. Kasi there are other projects na I’m still dreaming of doing like ‘yung sa amin ni ate Vi (Vilma Santos), and maybe, one with KC (Concepcion) so there are so many things to ano,” dugang pa ni Sharon.

Dunay umaabot nga horror movie si Shawe sa Star Cinema ug giingong madayon usab ang laing pelikula kung diin mag-uban sila ni Vilma Santos. Sa laing bahin, wala mahimuot si Sharon gumikan sa pagkalambigit sa iyang pangalan sa kasungian nila ni Cristine Reyes ug Sarah Geronimo.

Giingong mipagawas og istorya ang kampo ni Cristine   nga matud pa nga misumbong si Sarah nila ni Sharon ug Judy Ann Santos     busa nakakita na kini og mga tawo nga molaban kaniya. 

 "Una sa lahat, hindi naman ako pinalaki ng mga magulang ko para makipag-away lang," mahinahong umpisa ng Megastar.Ang isa lang na sure ako, ito: Kami ni Judy Ann, naging close kami kasi pareho kaming matino,” pasiuna pa ni Sharon.

Dugang pa ni Sharon nga usa sa iyang ganahan nga magkauli na unta ang maayong kabubot-on nila ni Sarah ug Cristine.

Agimat eksklusibo sa EB

 Matud pa nga ang pelikulang "Si Agimat at si Enteng Kabisote" ra’y gitugtan nga maka-promote sa Eat Bulaga.Samtang sa TV 5, bugtong ang pelikula nga Rosario ang puwedeng maka-promote sa maong istasyon.

Ai-ai nahiubos sa Star Cinema

 Gikataho nga nahiubos si direk Wen Deramas ug ang bida sa "Ang Tanging Ina Mo" nga si Ai-ai de las Alas ngadto sa Star Cinema gumikan kay mas gitagaan og dakong pagtagad ang pelikula ni Kris Aquino nga Dalaw kumpara sa ilang pelikula.

Pokwang gipahimaNgnoan

Gikatahong i-guest si Pokwang sa The Buzz aron i-promote ang iyang pelikula nga Super Inday and the Golden Bibe” apan gipahimangnoan siya nga dili ipa-mention ang pangalan ni Jhon Lapus gumikan kay host kini sa kaatbang nila nga Showbiz Central.

Willing Willie gidumugan

Moabot ngadto sa 60,000 ka mga tawo ang milantaw sa "Willing Willie" nga gihimo sa Lingayen Beach Front sa Pangasinan sa miaging gabii. Gikataho nga alas-otso pa lang sa buntag, midagsa na ang mga tawo sa maong dapit aron makapuwesto og tarong.

Panimalay ni Angelika gipabuthan

Gipabuthan kagahapon sa buntag ang atubangang bahin sa panimalay ni    Angelika dela Cruz didto sa Malabon ug gikatahong duha ka grupo sa mga lalaki ang nag-standby sa area sa dihang wala pa mahitabo ang insidente busa nagpadayon karon ang imbestigasyon niini. Nasayran nga ikaduha na kini nga higayon nga dunay dili maayo nga nahitabo sa ilang panimalay. Kahinumduman nga human nakadaug isip kapitan ang amahan ni Angelika sa maong dapit,   gilabayan pud og hugaw sa tawo ang ilang gate ug nakadawat usab sila og hulga sa ilang mga   kinabuhi.

Venus nagpatukod og balay

Nagpatukod og balay ang beauty queen nga si Maria Venus Raj ug kini nahimutang kilid sa ilang “bahay kubo” sa Bato, Camarines Sur. Tsika pa niya nga gipalit gyud niya ang maong luna gumikan kay usa kini sa dugay na niya nga pangandoy. Malipayon si Venus gumikan kay napahimoan na gyud niya og nindot nga panimalay ang iyang pamilya. "Isa ito sa matagal ko nang ipinagdarasal kay God,” nagkanayon si Venus.

Jason matulog sa balay ni Melai

Giangkon ni Melai Cantiveros nga dunay panahon nga adto matulog sa iyang balay ang iyang boyfriend nga si Jason Francisco. Samtang gipahibalo ni Melai nga dili sila mag-uban ni Jason karong Pasko gumikan kay mobakasyon siya sa General Santos kung diin siya naggikan.

Aga mobalhin sa TV 5?

Wala mohatag og klarong detalye ang entertainment head sa TV 5 nga si Mr. Perci Intalan kalabot sa mitumaw nga report nga matud pa nga mobalhin sa Kapatid Network ang aktor nga si Aga Muhlach. "We will make the proper announcement," nagkanayon si Perci.

Gutierrezes sa MMFF awards night

Ang magsuong Ruffa, Richard ug Raymond Gutierrez maoy ipuli nila ni Kris Aquino ug Ai-Ai delas Alas isip hosts sa umaabot nga Metro Manila Film Festival Awards Night karong Disyembre 26. Kahinumduman nga migawas ang istorya dinhi sa Banat Hugyaw kagahapon ang taho nga matud pa gidid-an sa ABS-CBN nga mahimong hosts sila si Ai-ai ug Kris sa maong kalihukan gumikan kay sa GMA-7 ipasalida ang MMFF awards night.

Regalo alang kang Belo

Tsika pa ni Dra. Vicki Belo nga usa sa pinakanindot nga regalo nga nadawat niya karong panahona mao ang pagbasura sa korte sa kasong gipasaka ni Katrina Halili ngadto kang Hayden Kho.

US actress gyud

Giingong usa ka US-based actress ang modalit og usa ka special number sa umaabot nga awards night sa Metro Manila Film Festival sa Meralco Theater.

Apl De Ap mag-pasko sa Pilipinas

Sa Pilipinas mag-selebrar sa Pasko ang Filipino-American nga miyembro sa Black Eyed Peas nga si Apl De Ap ug mohimo usab siya og konsyerto sa nasud diin ang kita niini adto mapunta sa charity.