Korina mobalhin sa TV 5?

CEBU, Philippines - Mitumaw karon ang mga hungihong nga matud pa mobalhin ang usa sa mga banggiitang news personality sa ABS-CBN nga si Korina Sanchez sa TV5.

JC magpatukod og bag-ong balay

Ganado karon nga motrabaho si JC de Vera gumikan kay magpahimo siya og tulo ka andana nga balay sa Quezon City. Mapasalamaton siya sa TV 5 gumikan kay nagbaha ang iyang mga proyekto sa maong network.

Tween Hearts extended

Gikatahong extended ang programang Tween Hearts busa nagmaya sila si Bea Binene ug Jake Vargas gumikan kay dako kini nga bentaha alang sa team-up nilang duha.

Rocco mapaubsanon

Aminado si Rocco Nacino nga daghan pa siya og agian aron maabtan niya ang level ni Aljur Abrenica sa showbiz.

Richard absent sa presscon

Wala makatunga si Richard Gomez sa grand presscon sa My Driver Sweet Lover sa miaging adlaw gumikan sa ka-busy niini. (Sanden J. Anadia)

Red Shoes nakadaug sa Bogota filmfest

Ang pelikula nga “The Red Shoes” nga gibidahan nila ni Nikki Gil ug Marvin Agustin midaog isip   Best Picture sa bag-ohay pa lang nga 27th Bogota Film Festival. Gikatigi sa Red Shoes ang mga pambato nga mga pelikula gikan sa US, Finland, Italy, Spain, Turkey, Brazil, Colombia, Costa Rica, ug Nicaragua.

Pops nagpasilong na ni Anabelle

Si Anabelle Rama na ang manager karon ni Pops Fernandez, busa masaligon ang singer nga subling mosidlak ang iyang career. Gawas sa mga konsyerto, seguraduon gyud ni Anabelle nga makaangkon og daghang proyekto si Pops.

Indie film hatagan og pagtagad

Masaligon ang sikat nga direktor nga si   Brillante Mendoza nga suportahan sa bag-ong tsirman sa Movie, Television Review and Classification Board (MTRCB) nga si Grace Poe Llamanzares ang mga independent films sa nasud. Nasayran nga kasagaran sa mga indie film kay kanunay nga mohakot og mga pasidungog sa ubang nasud busa gikinahanglan gyud ang saktong suporta sa gobyerno niini.

Extraordinary child actress

Giangkon ni Gina Alajar nga sa kadaghang bata nga iyang nakatrabaho , ang bida ra gyud sa seryeng Trudis nga si Jillian Ward maoy matawag niya nga extraordinary gumikan sa kamaayo moarte niini.. “Extraordinary ang talent ng batang ‘yan. Alam niya ang difference ng maglaro at magtrabaho,” nagkanayon si Direk Gina.

Krista nangala og burger

Giingong nangala og hamburger ang upat na ka buwan nga mabdos nga si   Krista Ranillo. Malipayon si Krista gumikan kay okay na karon ang kondisyon sa iyang lawas ug dili na kaayo siya lipongon. Ang aktres gikatakdang manganak sa buwan sa Abril sunod tuig.