KC parang tuod
Ngayong Abril, papasok na sa The Last Prince si Carl Guevarra at magiging katrianggulo nina Kris Bernal at Aljur Abrenica. Dalawang taon din itong nasa Dos bago tuluyang naisipang kumabilang bakod.
Sa first taping day ng The Last Prince ay komportable agad siya dahil nakipagkuwentuhan sa kanya si Aljur.
Inamin nito na ayaw niyang maging kontrabida sa magka-loveteam although naniniwala ito na may relasyon sina Kris at Aljur dahil nakikita niya kung gaano ka-sweet ang dalawa.
* * *
Inaabangan na ang Iron Man 2 na ipalalabas sa April 30 isang linggo bago ang pagpapalabas sa US. Muling magsasama sina Direk Jon Favreau at ang Oscar nominee na si Robert Downey Jr. sa papel ni Tony Stark.
Ang Iron Man 2 ay ipinamamahagi ng United International Pictures sa pamamagitan ng Solar Entertainment Corporation.
* * *
Inamin ni Claudine Barretto na nangangapa pa rin siya bilang Kapuso star although overwhelmed siya sa pagtanggap sa kanya ng network.
Matagal na nitong pangarap na makasama ang kanyang asawang si Raymart Santiago sa isang drama anthology na natupad naman.
Natuwa ito nang malamang magkakaroon din siya ng pagkakataong makasama sa drama anthology sina Richard Gutierrez, Robin Padilla, Dingdong Dantes at iba pa.
* * *
Higit na masaya at masigla ang talakayan sa Juicy ngayon dahil narun na si Cristy Fermin. Maiinit na balita ang hatid nila sa manonood. Updated sa mga latest news si IC Mendoza at panauhing reporter pero tila naiiwanan sa talakayan ng balita si Alex Gonzaga na isa rin sa mga hosts. Sweet na sweet pa rin siya at pa-demure.
Ang ipinagtataka lang namin sa dalawang araw na panonood ay guest din (o kasama) sa show si KC Montero. Pero para siyang tuod o driftwood na nakikinig lang kina Cristy, IC at Alex.
- Latest
