Fans ni Juday supportive

CEBU, Philippines - Makapahimuot ang mga fans ni Judy Ann Santos sanglit suportado gyud nila ang pagmabdos sa ilang idolo. Tsika sa Pang-Masa nga duha ka adlaw human gi-post ni Ryan Agoncillo sa iyang Facebook account nga nangala og hamburger si Juday ug sa Amerika lang mapalit, dunay miabot nga pinadala sa ilang fans. Ug wala magpauwahi ang mga fans sa magtiayon nga tua sa Rome, UK, ug Dubai, nga misaad nga kung unsa man ang magustuhan ni Juday ug didto ra sa ilang nahimutangan mapalit, pahibawo gyud dayon sila kay ilang ipadala. Nagbilin pa og telephone numbers ang fans aron dali ra matud pa sila makontak.

Rachelle ug lain pa, mobalhin

Confirmed na matud pa sa Pang-Masa ang pagbalhin ni Rachelle Ann Go sa GMA Network ug makauban na siya ni Mark Bautista sa Party Pilipinas. Pero matud pa sa Pang-Masa nga ang angay atangan mao ang paglayat pud sa lain pang Kapamilya star paingon sa GMA-7. Singer pud matud pa ang nahisgutan ug ipahibawo sa umaabot nga mga adlaw.

Heart ug Rhian BFF na!

Best Friend Forever na matud pa karon ang status nila ni Heart Evangelista ug Rhian Ramos. Milawom og maayo ang ilang panaghigalaay tungod kay kanunay sila nga magkita sa GMA-7, ug usahay magkauban pa og trabaho. Ang tsika ni Kuya Germs mao nga nagsabot pa ang duruha nga magkita sa Hongkong. Tua si Rhian sa Hongkong kauban ang iyang managers aron mag-bonding, ug misaad matud pa si Heart nga muapas.

I Witness midaog

Midaog ang I Witness’ episode nga “Ambulansyang de Paa” sa 69th Peabody Awards. Kini ang nagbinugtong entry gikan sa Pilipinas alang sa maong prestihiyoso nga award-giving body. Ipahigayon ang awarding karong May 17….Ryan Mark