Bag-ong negosyo ni Mark

CEBU, Philippines - Mag-abli og dako nga internet café si Mark Herras sa dalan Tomas Morato karong buwana. Kasosyo niya ang duha ni ka mga higala.

Shaina ug Loydie nag-inom na pud?

Nasigpatan matud pa nga nag-inom na pud sila si Shaina Magdayao ug John Lloyd Cruz, sulod sa usa ka dili kaayo nindot nga subdivision sa Quezon, City.

Jodi mitabang pud

Gawas kang Anne Curtis. mitabang pud ang bituon sa Tanging Yaman nga si Jodi Sta. Maria sa pagpangolekta og hinabang alang sa masakiton nga inahan ni Francine Prieto.                              

JC hulipan ni Paulo

Si Paulo Avelino maoy mohulip sa biyaan nga role ni JC de Vera sa Panday Kids. Kumpirmado na ang pagbalhin ni JC sa TV 5, kini suma pa sa iyang manager nga si Annabelle Rama.

Raven “porn model”?

Tulo lamang kini sa matud pa dul-an 100 ka mga sexy nga hulagway sa kanhi teenstar nga si Raven Villanueva nga nagpasad karon sa nagkadaiyang websites. Suma pa nga nag-model na matud pa si Raven sa usa ka “porn site” ug nagtago sa ngalan nga “Ravenous Raven.” Lakip sa mga websites diin makita ang giingong mga hulagway ni Raven mao ang “Dangerous Dolls.” Dili basta-basta nga mabuksan ang maong website tungod kay by membership ang access niini, diin giingong dolyares ang bayad.

Kim makigpares na’g lain

Gipadayag ni Kim Chiu nga bukas na siya nga mapares sa ubang young actor, sanglit upat na ka tuig ang team-up nila ni Gerald Anderson. Sa laing bahin, malipayon nga gibutyag ni Kim nga sila na karon ni Gerald sentro sa istorya sa seryeng Kung Tayo’y Magkakalayo, butang gikalipay og maayo sa Kimerald fans.

Pamilya ni Melai  nag-ilog sa premyo?

Gihimakak sa Pinoy Big Brother Double Up Big Winner nga si Melisa Cantiveros ang report nga matud pa nagkagubot og maayo ang iyang mga kabanay sa General Santos human niya nadawat ang premyo nga P1 million nga cash prize sa nahisgutang reality show. Giklaro ni Melai nga ang iyang daog ihatag niya sa iyang inahan aron ibayad sa ilang mga utang.

Regine saludo  kang Myrus

Saludo si Regine Velasquez sa tingog sa singer nga si Myrus. Ang Asia’s song bird maoy special guest sa concert ni Myrus sa miaging adlaw diin gipakpakan og maayo ang ilang duet performance. Si Myrus maoy nagpasikat sa bag-ong version sa Sayang nga unang gipasikat ni Claire de la Fuente.                                    

DJ Mo motikang sa TV 5

Gidawat na matud pa ni DJ Mo Twister ang tanyag sa TV5. Matud pa nga himuon siya og co-host ni Cristy Fermin alang sa usa ka daily talk show. Gitanyagan pud ang TV host og usa ka showbiz program apan dunay nakahunghung kaniya nga dili kini dawaton aron dili siya mataktak sa Showbiz Central sa GMA-7.