Mega dumalaw sa PBB

MANILA, Philippines - Sa pagbabalik ng walong dating housemates ni Big Brother, mas naging seryoso ang mga natitirang housemates ng Pinoy Big Brother Double Up. Pursigido kasi ang mga ex-housemates na tuparin ang kanilang misyon mula kay Kuya na subukan ang karakter ng mga dati nilang kasama.

Dalawang paraan ang ibinigay ni Big Brother kina Princess, Yuri, Tom, Delio, Rob, Rica, at ang kapapalayas lang na si Cathy. Una, hinamon silang kunin o basagin ang mga iniingatang itlog nila Hermes, Jason, PJ, Tibo, Kath, Mariel, at Melisa kapalit ng perang papremyo.

Kung mababasag daw ang lahat ng itlog ay maaari silang makaipon ng hanggang P250,000.00 na ibabawas sa pot money ng mga PBB winners. Ang ikalawang paraan naman ay ang pagsabotahe sa weekly task ng mga housemate na tower of dominos.

Ngunit matinik din ang depensa ng mga housemates sa House na nag-set up sila ng iba’t ibang alarm system sa bawat entry point ng bahay. Mayroon din silang itinalagang lookout, defense at offense players.