Juday manghuwam og artista sa GMA-7

CEBU, Philippines - Migawas karon ang “huwamay” isyu sa usa sa mga maayong aktor sa Kapuso Network ngadto sa ABS-CBN aron ipares ni Judy Ann Santos sa gihimo niining serye. Ang pangutana kung mosugot ba ang taga GMA?

Nasayran sa PangMasa gikan sa usa ka kaligan nga tinubdan nga hapit na mahuman ang kontrata sa maong aktor sa GMA 7, ug tataw nga dili kini buhian sa network apan depende lang sa manager sa aktor kung mosugot kining pabalhinon og kadyot ang iyang talent sa ABS-CBN bisan og wala kini mawad-i og project sa iyang home studio.

Unfair pod matud pa sa mga actors sa ABS-CBN nga mokuha sa kaatbang nga estasyon samtang daghan nila ang walay proyekto karon.

Artista magbaha na pod sa Showman

Second part na sa 12th anniversary celebration sa Walang Tulugan ni German Moreno karong Sabado human sa Sine Totoo sa GMA 7.

 Nagpasalamat si Kuya Germs sa mga celebrities nga mi-guest sa first part sa show sa miaging Sabado nga sila si Regine Velasquez, Kuh Ledesma, Gary Valenciano, The Follies, Pilita Corrales, Richard Gutierrez ug KC Concepcion, Mark Herras, JC de Vera, Nanette Medved, Powerdance ug si Karylle. 

Karong Sabado special guests pod niya sila si Billy Crawford, Ballet Philippines, Primo, Dulce, Joanna Ampil, Sex Bomb, Gian Magdangal, Iza Calzado ug Sunshine Dizon. Mobalik sila si Richard Gutierrez ug KC Concepcion aron magpasalamat sa kalamposan sa ilang pelikula nga When I Met U.

Will gi-operahan, papahuwayon

Dugay na nga problema ni Will Devaughn ang na-“fracture” nga tuhod samtang nagduwa og basketbol. Nasayran sa PangMasa nga naoperahan na ang aktor kagahapon sa St. Luke’s Medical Center ug gumikan niini, mopahuway usa si Will og usa ka buwan sa ASAP ’09, ug sa pag-record sa iyang album. Nasayran nga sa Marso na kini mahimong mag-taping sa bag-ong serye uban ni Juday.

KC-Chard mihipos og 10M

Gikatahong 10M ang first day gross sa When I Met You starring KC Concepcion ug Richard Gutierrez, pagbukas niini niadtong Miyerkoles lukop nasud. Kini maoy nasayran sa PangMasa gikan ni Annabelle Rama, manager ni Richard.