Buong linggong adventure sa 5MAX Movies ng TV5

Matutuwa ang lahat ng gamers at adventure-lovers sa mga pelikulang ihahain ng 5MAX Movies ng TV5 ngayong linggo dahil sa mga all-time favorite blockbusters na Indiana Jones: Raiders of the Lost Ark, Jumanji at Final Fantasy VII: Advent Children.

Simulan ang inyong linggo kasama ang komedyanteng magkakapatid na sina Keenen, Shawn at Marlon Wayans na sila ring direktor at scripwriter ng pelikulang White Chicks, ngayong Lunes (Enero 19). Ang third installment naman sa American Pie series, ang American Wedding, ang palabas bukas, Martes (Enero 20), starring Jason Biggs and Alyson Hannigan.

Sa Miyerkules naman (Enero 21), ang high-intensity action-adventure ng Bad Boys 2 ang mapapanood n’yo, starring Will Smith and Martin Lawrence bilang narcotics detectives na makikipagsapalaran sa drug-ridden city.

Magkakaroon naman ng animal body parts si Rob Schneider sa comedy movie na The Animal, palabas sa Huwebes (Enero 22).

Tiyak na pipirmi sa bahay ang mga gamers at anime fans sa Biyernes (Enero 23) dahil palabas ang tinaguriang anime movie of the decade, ang Final Fantasy VII: Advent Children, na base sa highly successful console role-playing game with the same title.

 Ang isa sa highest-grossing movies ever made- ang award-winning classic na Indiana Jones: Raiders of the Lost Ark na pinagbibidahan ni Harrison Ford ang palabas sa Sabado (Enero 24).

Samantala, samahan at makipaglaro naman kina Robin Williams and Kirsten Dunst sa blockbuster hit at critical favorite na Jumanji, sa  Linggo (Enero 25).

 Makigulo at maki-adventure sa lahat ng mga adventure movie na ito sa 5MAX Movies tuwing 9:00 p.m. sa TV5.