Away-bati issue kina Sunshine at Cesar nakakasawa na!

SEEN : Ang bonggang early Christmas party ni Dingdong Dantes para sa entertainment press. Kagabi ang Christmas party sa Century Imperial Palace Suites. Walang umuwing luhaan. Malalaki at mamahalin ang mga raffle prizes ni Dingdong. Marunong siyang mag-share ng blessings.

SCENE : Kinasasawaan na ang away-bati issue nina Sunshine Cruz at Cesar Montano. Ngayong bati na uli sila, dapat nang pigilan ni Sunshine ang pagkukuwento sa mga reporter ng mga nangyayari sa kanilang pribadong buhay.

SEEN : Bumata ang itsura ni Celia Rodriguez sa press launch ng mga bagong endorser ng Calayan Surgicenter. Bagets na bagets ang beteranang aktres.

SCENE : Hindi natutuwa si Sharon Cuneta sa press release na may duet sila ni Dr. Manny Calayan sa record album na ilalabas ng huli. Hinding-hindi mangyayari ang mga balita na magkakaroon sila ng duet.

SEEN : Calayan endorsers ang mga beauty queen na sina Lara Quigaman at Miriam Quiam­bao. Malaki ang maitutulong ni Dr. Calayan upang bumalik ang dating magandang korte ng katawan ni Miriam.

SCENE : Mamayang gabi ang pilot telecast ng You & Me Against The World, ang game show ni Gretchen Barretto sa TV5. Sina Lucy Torres at John Estrada ang mga contestant sa show na galit sa pera. 

SEEN : Ginawang pelikula ang reunion concert ng Eraserheads. May premiere night bukas sa SM Megamall Cinema 9 ang Eraserheads Reunion Concert, The Movie. Showing ang pelikula sa November 26.