Dennis maoy nagsustento ni Carlene?

Read between the lines. Kung basehan ang mga linya nga giluwatan sa manager ni Dennis Trillo kagahapon sa Startalk, dako gyud ang posibilidad nga ang matinee idol ang amahan ni “Baby Ho”, ang baby boy nga gihimugso ni Bb. Pilipinas World 2005, Carlene Aguilar sa Los Angeles California niadtong September 22.

“ Kung si Dennis talaga ang ama, wala lang life goes on,” nagkanayon si Popoy Caritativo kagahapon sa exclusive interview sa Startalk.

Dugang pa niya buotan si Dennis, “hindi siya nagkalat, wala siyang tinapakan na tao, mabait at responsabli.” Gitino pud ni Popoy nga padayon ang komunikasyon ni Dennis ug Carlene bisan tua na sa Amerika ang nahisgutang beauty queen.

Taliwala kini sa taho sa usa ka tinubdan sa Startalk nga si Dennis mismo maoy mibayad sa mga gastuhan ni Carlene sa iyang paglarga sa Amerika, ug sa iyang pag-istar didto.

Giklaro ni Popoy nga walay gihimakak nga taho ug wala puy kumpirmasyon ang iyang talent nga si Dennis. Busa mas maayo ni Popoy pa nga huwaton nga si Dennis mismo maoy mamahayag labot sa isyu, tutal niya pa bokal man kanunay ang aktor sa iyang mga pamahayag.

Miingon hinuon si Popoy nga mulungtad ngadto sa tulo o upat ka tuig na ang relasyon nila ni Dennis;“on and off” niya pa.

 Gikataho nga karong hapon sa Showbiz Central molugwa na si Dennis aron hatagan og katin-awan ang tanang mga pangutana ug pagduda kalabot sa bata nga gihimugso ni Carlene.

Samtang sa Entertainment Live kagahapon, salabtunon usab ang pahiyom ni Miss International ug batchmate ni Carlene sa Binibining Pilipinas 2005 nga si Precious Lara Quigaman dihang gipangutana kalabot sa isyu.

Matud pa niya, “ si Dennis na lang ang tanungin nyo,” niya pa ug dayong pahiyom. “ It’s between them (Dennis and Carlene).”

Miangkon hinuon si Lara nga padayon ang ilang komunikasyon sa iyang bestfriend nga si Carlene, kinsa gikatahong sa Disyembre pa mopauli dinhi sa Pilipinas.

Socialites, na-addict sa NBAD

 Hugyaw ang staff ug cast sa  Natutulog Ba Ang Diyos  tungod kay extended og three weeks ang nahisgutang teleserye sa ABS-CBN.

Tsika pa sa PangMasa nga siyam ra ka semana ang kontrata sa maong teleserye, apan tungod kay nagkakusog kini sanglit nagkadaghan pud ang manan-aw niini, gilugwayan og tulo pa ka semana.

Kini maoy hinungdan nganong hangtud pa kini sa October 11 makita diha sa primetime sa Kapamilya network.

Ang tsika hasta ang sosyal nga columnist sa Philippine Star nga si Mons Tantoco (Lifestyle section) nagsunod pud sa Natutulog Ba Ang Diyos? Gani matud pa niya, dili lamang siya maoy na-addict sa nahisgutang teleserye kun dili lakip na ang uban pa niyang mga sosyal nga higala. “Gumaganda ang istorya,” ni Mons pa.

Pwes dihang nasayod si Dina Bonnevie niini gikan sa PangMasa, pwerteng pamalita sa veteran actress ngadto sa tanan, lakip si direk Jerry Seneneng ug direk Richie del Carmen, iya pud nga gisultihan.

Si Dina maoy nagdala sa papel isip inahan ni Roxanne Guinoo ug adoptive mom pud ni Jake Cuenca sa maong istorya.

“Nalulungkot nga ako na matatapos na ang series. Kung kelan pa lalong gumaganda ang aming bonding na magkakasama. Do you know na ang turing ko na ngayon kina Roxanne at Jake ay mga tunay kong anak? These two bagets are not just lovable. Pareho rin silang hardworking. I predict a bright future for them in the industry.”