Saan ba gustong luminya ni Vanessa ?

‘Di nakapagtataka kung marami ang kasalukuyang nabibighani kay Vanessa del Bianco in and out of showbizness. Sino naman ang hindi magkaka-crush sa kanya, bukod sa pagiging ismarte at maganda ay talented din siya.

Mukhang career pathing lang ang kulang dahil hindi malinaw kung saan ba talaga niya gustong malinya. Does she want to concentrate on her hosting o acting? Saan ba niya mas feel malinya– sa drama o komedya? At the moment ay kabilang siya sa isang patok na noontime show at mainstay din sa programa ni Robin Padilla. But aside from that ay mukhang puwede ring i-build up si Vanessa bilang dance artist. Sa Eezy Dancing Party Time ng ABC-5 ay frequent guest siya at based on her previous performance on EZD ay may "k" talaga siya as dancer. Ngayong Sabado, 9:00 n.g. nga pala ay muli ninyong mapapanood si Vanessa sa show kasama sina Angela Velez, Bituin Escalante, Jan Marini, Gerard Pizarras at Rustom Padilla.