Kotongero sa business permit, nalulusutan na raw?

KUNG hindi rerepormahin ng gobyerno ang mga patakaran sa masalimuot na pagbubuwis, mahihirapang makabangon ang ekonomiya ng bansa.

Maraming negosyante ang nahihirapang magpalawak ng kanilang negosyo dahil napakaraming requirements. Bukod dito, binubugbog pa sa kotong ng mga pagdadaanang tanggapan para makakuha ng iba’t ibang clearances.

Mas ginugusto pa nang karamihan ngayon ang on-line selling dahil bukod sa walang magastos na requirements para sa business permit, nasa loob lang sila ng bahay. Hindi na rin kailangan ang delivery equipments at delivery man dahil nagkalat na ang motorcycled delivery boys. Belaaat!

Marami na ngayon ang nagsasaradong tindahan dahil mas epektibo ang on-line selling business. Delivery receipts lang ang kailangan, no return no exchange pa madalas. Tsk-tsk-tsk!

Kung maisasakatuparan ang pagtatayo ng negosyo rito ng invited foreign investors ni PBBM, siguradong mga manufacturing business na ang mga ‘yun. Mababawasan na rin maging ang importations. Makakatipid na sa pagpapalabas ng dolyar at marami ang magkakatrabaho. Huwag lang tampalasanin ulit at buwisitin ng mga abusadong labor unions. Totoo, di ba?