Pinakamaliit na bangka sa mundo, mas maliit pa sa hibla ng buhok

NILIKHA ng mga researchers sa the Netherlands ang sinasabing pinakamaliit na bangka sa buong mundo.

Ayun sa team na binubuo ng mga mananaliksik mula sa University of Leiden, nilikha nila ang bangka gamit ang microscope at 3D printer.

Tinatayang tatlong beses na mas maliit ang bangka kum-para sa kapal ng isang hibla ng buhok.

Nag-eksperimento rin ang grupo sa paglikha ng ibang hugis katulad ng bola at spaceship.

Ang paglikha sa bangka ay bahagi ng isinasagawang pag-aaral sa mga tinatawag na microswimmers – mga maliliit na kagamitang na posibleng magkaroon ng aplikasyon sa medisina.

Maari kasi silang kontrolin upang makapaghatid ng gamot sa mga partikular na bahagi sa loob ng katawan ng tao.