Lalaki, naglagay ng 125 scoops ng ice cream sa iisang apa para sa World Record

ISANG Italyano na minsan nang  nagkamit ng Guinness World Record para sa pinakamaraming ice cream scoops na nailagay sa iisang ice cream cone ang nagawang mabawi ang nasabing world record.

Ayon sa Guinness, unang nagkamit ng world record si Dimitri Panciera noong 2013 nang magawa niyang pagkasyahin at balansehin ang 85 scoops ng ice cream sa iisang apa.

Naagaw naman ito sa kanya ni Ashrita Furman na nakapaglagay naman ng 123 scoops sa isang apa rin.

Nabawi ni Panciera ang kanyang world record nang makapaglagay siya ng 125 scoops.

Ipinalabas pa sa TV ang kanyang world record attempt

Hindi naman nasayang ang napakaraming ice cream dahil ipinamigay ito sa studio audience na nanood kay Panciera.