Elvis impersonator, 50 oras na kumanta para sa world record

ISANG Norwegian Elvis Presley impersonator ang kinanta­ ang mga awitin ng pamosong singer sa loob ng 50 oras, 50 minuto, at 50 segundo.

Nagsimulang kumanta ang 52-anyos na si Kjell Henning Bjornstad, kilala rin sa stage name na Kjell Elvis, noong nakaraang Huwebes sa isang bar sa Oslo, Norway at tumigil lamang siya noong Sabado.

Dati nang nakapagtala ng record si Bjornstad sa isang Elvis singing marathon noong 2003 ngunit naagaw sa kanya ang titulo ng isang German nang sumunod na taon.

Dahil sa haba ng oras, namaos ang boses ni Bjormstad matapos niyang mabawi ang world record.

Ayon sa kanya, ito na ang huling pagkakataong siya ay magtatangka na makapagtala ng isang singing marathon world record.