Sugar Mommy (173)

IKINUWENTO ni Jericho sa ka-room mate na si Leo ang balak nilang pagpapa-kasal ni Maia.

“Magpapakasal na kami ni Maia, Leo. Pag-uwi namin sa December, desidido na kami. Pinaplantsa na namin ang plano.’’

“Aba magandang balita yan, Bro. Sana maging maligaya kayo.’’

“Sana makadalo ka, Leo. Kaya lang ‘di ba next year pa ang uwi mo?’’

“Oo. Sayang. Pero malay mo, baka magbakasyon din ako ng December.’’

“Sige Leo, para maka-attend ka.’’

“Hayaan mo Bro at pipilitin ko. Gusto ko rin namang makauwi ng Christmas. Lagi na lang Mahal na Araw ako natataon na nagbabakasyon.’’

“Mas masaya kapag December.’’

“Talaga bang December ang target n’yong month, Bro?’’

“Oo. ‘Yun ang gusto ni Maia para raw masaya.’’

“Sabagay masaya nga kapag December. Anong petsa ang balak n’yo?’’

“Hindi pa namin napag-uusapan. Pero kung ako ang masusunod, gusto ko December 16.’’

“Okey yun. Simula ng Simbang Gabi.’’

“Oo nga Leo. Lalong feel na feel ang Pasko.’’

“Talagang in-love na in-love kayong dalawa sa isa’t isa Bro.’’

“Oo, Leo. Damang-dama ko talaga ang pagmamahal kay Maia. Ibang klase ang nararamdaman ko kaya nag-decide na akong magpakasal na kami. Sa totoo lang, ako talaga ang nagbalak nito. Ewan ko ba pero gusto ko na talagang makasal kami.’’

“Ganyan talaga ang na­darama ng totoong nagma-mahal – ayaw nang mawalay sa babaing iniibig. Gusto e laging magkasama.’’

“Tama ka Leo, ganyan nga ang nararamdaman ko.’’

“Sana lumigaya kayo nang sobra-sobra at lalo pang uminit ang pagmamahalan.’’

“Salamat Leo.’’

“Ano kayang mairegalo ko sa inyong dalawa.’’

“Huwag namang bahay at lupa, Leo.’’

“Aba ‘yan nga ang nasa isip ko pero mas maganda yata kung kotse na lang ang iregalo ko sa inyo, ha-ha-ha!”

“Okey ka talaga, Leo.’’

“Sige matagal pa naman kaya makapag-iisip pa ako ng ireregalo sa inyo.’’

“Basta, gusto ko, present ka sa kasal namin Leo.’’

“Pipilitin ko.’’ (Itutuloy)