Konsehal sa New York, pinakamatangkad na pulitiko sa buong mundo
ISANG konsehal na miyembro ng New York City Council na may tangkad na 6’ 10” ang tinanghal na pinakamatangkad na pulitiko ng Guinness World Records – ngunit isang mayor ang maaaring umagaw sa kanyang titulo.
Kinumpirma ng Guinness na ang 53-anyos na si Robert Cornegy, isang city councilman mula Brooklyn, ang pinakamatangkad na pulitiko sa buong mundo matapos niyang makuha ito sa dating world record holder na 6-foot, 7 1/2-inch lamang ang tangkad.
Kinailangang sukatin si Cornegy ng Guinness ng anim na beses sa loob ng isang araw upang mag-qualify siya sa world record title.
Mukha namang hindi magtatagal kay Cornegy ang titulo dahil ang mayor ng Warrenville Heights, Ohio na si Brad Sellers, ang maaring pinakamatangkad na pulitiko sa buong mundo.
Pitong talampakan ang dating Chicago Bulls basketball player ngunit hindi pa siya nag-aaplay upang opisyal na kilalanin ng Guinness para sa record.
- Latest
