World record para sa ‘joggling’ naitala ng estudyante sa boston na tumakbo habang nagja-joggling
ISANG mag-aaral mula Boston University ang nakapagtala ng bagong world record para sa isang larangan na marami ang hindi pa nakakaalam: ang pagjo-“joggling”.
Joggling ang tawag sa pagtakbo habang nagju-juggle ng bola at nagawa ito ni Zachary Prescott sa loob ng 4 na minuto at 43.2 segundo at sa layong isang milya.
Kabilang si Prescott sa track and field team ng Boston University at sa mismong race track ng nasabing unibersidad niya ginawa ang pagta-tala ng bagong world record.
Ayon sa third year na business student ay kaila-ngan lamang ng matinding pokus sa pagja-joggling. Kapag nasanay ka na raw ay wala na raw itong pinagkaiba sa pangkaraniwang juggling.
Dinaluhan ng mga kaibigan at kamag-anak ni Prescott ang kanyang pagja-joggling kaya naman pabiro niyang sinabi na napilitan siyang siguraduhin na magtatagumpay siya sa kanyang world record attempt.
Kailangan pang kumpirmahin ng Guinness World Record ang oras na naitala ni Prescott dahil mas mabilis lamang siya ng .6 segundo sa kasalukuyang world record holder.
- Latest