15 Secret Kitchen Hacks

(Last Part)

8. Ang kailangan sa recipe ay tinunaw na butter pero matigas pa sa bato ang iyong butter. Mas mabilis matutunaw ang frozen butter kung ito ay gagadgarin sa cheese grater.

9. Ilagay ang natirang tomato sauce sa ice cube tray at patigasin sa freezer. Kapag frozen, tanggalin ito sa tray at ilagay sa plastic container. Itago sa freezer at ilabas lang kung kakailanganin.

10. Para hindi maging kasingtigas ng bato ang ice cream: Ilagay ito sa ziplock freezer bag bago itago sa freezer. Mananatili itong firm pero hindi kasingtigas ng bato.

11. Mas mabilis mahinog ang saging kung ilalagay sa paper bag.

12. Babalik muli sa dati ang nag-crystallized na honey kung ang bote ay ipapatong sa mainit na tubig ng 5 to 10 minutes.

13. Bumili ng dalawang sangkalan (cutting board) na magkaiba ng hitsura para may palatandaan kayo kung alin ang para sa karne at para sa lahat. Ito ay upang maiwasan ang cross contamination. Ang bacteria ng karne ay lilipat sa prutas o gulay.

14. Paano malalaman na epektibo pa ang baking powder at baking soda? Paano i-test? Lagyan ng baking powder ang mainit na tubig. Kung effective pang gamitin, magkakaroon ng bubbles sa tubig.

15. Ibuhos ang suka sa baking soda. May bubbles na lalabas kung effective pa itong gamitin.