Ang matalinong estudyante

NOONG Medieval times ay may umiiral na batas sa Cambridge University na dapat pagsilbihan ng cake at ale (isang uri ng mapait na beer) ang mga estudyante habang kumukuha ng exam. At ang batas palang ito na ginawa 400 hundred years ago ay nanatiling batas hanggang sa kasalukuyan. Isang examination day sa Cambridge University, naisipan ng  matalinong law student na humiling ng  cake at ale sa kanyang proctor.

“Puwede bang humingi ng cake at ale?”

“Bakit?”, nagtatakang tanong ng proctor

“Sir, nakasaad ’yan sa 400-year old Laws of Cambridge…kahit rebyuhin mo pa.”

Walang nagawa ang pamunuan ng unibersidad kundi kumuha ng miryenda sa Law student. Enjoy na enjoy ang estudyante habang nilalapang niya ang pagkain isinilbi sa kanya. Ngunit hindi iyon mapapalampas ng pamunuan ng unibersidad nang ganoon na lang. Ano siya…sinusuwerte? Paano kung kumalat iyon sa buong campus at makigaya ang lahat ng estudyante…humingi ng cake at ale tuwing examination day. Binuklat muli nila ang librong kinasusulatan ng Laws of Cambridge at…eureka! May nakita silang igaganti sa Law student.

Pagkaraan ng ilang araw ay ipinatawag ng proctor ang Law student. Ang sabi ng proctor sa estudyante : “Sinisingil ka ng unibersidad ng 10£” .

“Bakit?”

“Ayon sa Law of Cambridge, bitbit mo dapat ang espada kahit sa oras ng examination. Magmumulta ang makakalimot mag-espada”.