5 mangingisda, nasagip

PANUKULAN, QUEZON, Philippines — Matagumpay na nasagip ng mga tauhan ng Philippine Coast Guard ang 5 mangi­ngisda matapos na masiraan ng propeller shaft ang kanilang motorbanca habang naglalayag sa karagatan ng Brgy. San Juan, Panukulan, ­Quezon, kamakalawa.

Ayon sa Panukulan Police Station, pauwi na Dinahican, Infanta mula Sitio Bongliw, Brgy. Rizal, Panukulan ang mga sakay na sina Jaypee, Junard, Vic, Joseph, at Jonilo na pawang mga 37-anyos at mga residente ng Barangay Dinahican Infanta, Quezon nang mangyari ng insidente dakong alas-5:15 ng hapon.

Natagpuan ng rescue team ang hindi na makausad na motorbanca at matagumpay itong nahila pabalik sa ligtas na pantalan kasama ang mga limang sakay nito.