P58.7 milyon jackpot sa Megalotto naibulsa ng taga-Quezon
MANILA, Philippines — Instant milyonaryo ang isang mananaya mula sa lalawigan ng Quezon matapos na mahulaan ang winning combination ng Megalotto sa katatapos na draw kamakalawa ng gabi.
Sa kalatas ng Philippine Charity Sweepstakes Office (PCSO), nahulaan ng maswerteng mananaya ang combination ng MegaLotto 6/45 na 34-24-07-44-21-38 na jackpot prize na P58,796,739.60.
Ayon kay PCSO General Manager at Vice Chairperson Mel Robles, nabili ang maswerteng ticket mula sa isang outlet sa Lucena City.
Samantala, nasa 17 indibidwal naman ang makakapag-uwi ng tig-P32,000 makaraang makakuha ng lima sa anim na kombinasyon.
Upang makubra ang kanyang premyo, kinakailangan lamang ng masuwerteng mananaya na magtungo sa punong tanggapan ng PCSO sa Shaw Boulevard sa Mandaluyong City at iprisinta ang kanyang winning ticket at dalawang balidong identification cards.
Ang MegaLotto 6/45 ay binobola tuwing Lunes, Miyerkules at Biyernes.
- Latest