PDEA buy-bust: ‘Tulak’ mula sa Metro Manila arestado
MANILA, Philippines — Naaresto ng mga tauhan ng Philippine Drug Enforcement Agency (PDEA)-Region 3 ang isang dayo na hinihinalang drug pusher at itinuturing na high value target (HVT) matapos mahulihan ng mahigit P.3-milyong halaga ng droga sa ikinasang buy-bust operation sa San Fernando City, Pampanga kamakalawa ng gabi.
Kinilala ng PDEA-3 ang naarestong suspek na si Benjamin Domingo, 33, at residente ng Las Piñas City.
Batay sa ulat, dakong alas-9:30 ng gabi nang maaresto ang suspek sa Consunji Road, Brgy. San Jose sa San Fernando City.
Nakatanggap umano ng tip ang mga awtoridad hinggil sa ilegal na aktibidad ng suspek na dumarayo pa upang magtulak ng droga kung kaya’t kaagad na tinarget sa buy-bust.
Nang bentahan umano ng suspek ng hinihinalang shabu ang isang undercover agent na umaktong buyer ay kaagad na siyang dinakip ng mga awtoridad.
Narekober ng PDEA mula sa suspek ang tinatayang aabot sa ?325,000 halaga ng hinihinalang shabu na nakalagay sa knot-tied plastic bag at tumitimbang ng 50 gramo, gayundin ang marked money na ginamit sa operasyon.
- Latest