Kawani ng DENR, nilamon ng ilog
GENERAL NAKAR, Quezon, Philippines — Pinangangambahang patay na ang isang kawani ng DENR-CALABARZON makaraang lamunin ng rumaragasang tubig sa Agos river na sakop ng Sitio Binugawan, Barangay Mahaba Lalim sa bayang ito, kamakalawa ng umaga.
Kinilala ng pulisya ang biktima na si Rigor Gallardo, 30, binata, Forest Monitoring Officer at residente ng Tanay, Rizal.
Ayon sa ulat, alas-8:30 ng umaga ay huling nakita ng tatlong laborer ang biktima na tinatangkang tumawid sa Agos river upang pumunta sa kabilang pampang na sakop ng Barangay Pagsangahan para magsagawa ng survey.
Habang nasa gitna umano ng ilog ang biktima ay tinangay ito ng malakas na agos hanggang sa tuluyang lumubog at mawala.
Nagsasagawa na ng search and retrieval operation ang mga otoridad.
- Latest
