Gang war sumiklab sa Cavite: 1 patay
CAVITE , Philippines — Nauwi sa madugong pamamaril ng sumpak ang pagtatalo ng dalawang miyembro ng magkalabang gang na ikinasawi ng isa sa kanila kahapon ng madaling araw sa Brgy. Paliparan 1, Dasmariñas City.
Sabog ang katawan ng gang member na si Jomar Deslate, 29- anyos at residente ng Blk. 46 Lot 24 Phase 1, Brgy. Paliparan 3, Dasmariñas City, Cavite.
Matapos ang pamamaril, tumakas naman ang suspek na nakilalang si Aljon Borlagdaton ng Blk. 4 Lot 1 Phase 1, Brgy. Paliparan 3, Dasmariñas City.
Sa ulat ni P/Cpl. Aaron John Golo, dakong ala-1:00 ng madaling araw nang maganap ang insidente.
Ayon sa testigo na si Moises Ballesterros, nag-uusap umano ang dalawa sa mga miyembro ng gang hanggang magkainitan sa usapin ng kanilang kinaaanibang gang hanggang sa magsuntukan.
Nang madehado ang suspek ay kumuha umano ng sumpak at agad binaril ang biktima na bumulugta sa lugar saka tumakas ang una.
- Latest
