6 huli sa P.4 milyong shabu sa Angeles
ANGELES CITY, Pampanga, Philippines — Swak sa kulungan ang anim katao matapos magsagawa ng magkahiwalay na drug buy-bust operation ang pulisya, sa Molave St. Purok 5, Brgy. Malabanias at Brgy. Pulung Bulu martes ng hapon at gabi.
Sa ulat buhat sa tanggapan ni Angeles City Drug Enforcement Unit commander P/Major Aris Gonzales kinilala ang mga suspek na sina Reynaldo Agsangre alias “Hawkins”, 56-anyos na target ng pulisya at residente ng Villa Paz Brgy. Sta. Teresita; Danny Say, 22, construction worker, ng Brgy. Sta. Teresita, Angeles City; Maria Teresita Pascual, 40, na nasa drug watchlist at residente ng Brgy. Sta. Teresita, Angeles City; Mariz Quinto, 26, ng Roxas Street, Dau, Mabalacat City; Arnold Guibo alias “Soy”, 30, isang value individual ng pulisya, walang trabaho at B-Jay Balajadia, 32; pawang taga-Villa Paz, Brgy. Sta. Teresita Angeles City.
Nasamsam sa mga suspek ang nasa humigit kumulang sa 70 gramo ng hinihinalang shabu na may street value na P476.000 at buy-bust money.
Kasong paglabag sa Comprehensive Dangerous Drugs Act of 2002 ang kakaharapin ng nasabing mga suspek.
- Latest
