Rider at angkas dedo sa trak
CALAUAG, Quezon, Philippines — Kapwa namatay ang rider at angkas ng isang motorsiklo makaraang bumangga sa kasalubong na truck sa Maharlika Highway sa Barangay Sumilang ng bayang ito , kamakalawa ng gabi.
Nabasag ang mga bungo at nagtamo ng mga sugat sa katawan ang mga biktimang sina Enrique Iglesia, 29, binata at Germano Tadeo, 35, sanhi ng kanilang agarang kamatayan.
Nasa kustodya na ng pulisya ang driver ng Isuzu Giga truck na nakabangga sa mga biktima na si Rolando Silaya, 51, ng Lopez, Quezon.
Batay sa ulat, bandang alas-10:30 ng gabi habang binabagtas ni Silaya ang kahabaan ng nasabing highway patungo sa direksyon ng Bicol Region nang pagsapit sa kurbadang bahagi ay binangga siya ng Yamaha Mio 125 na minamaneho ni Iglesia at angkas si Tadeo.
Sa lakas ng banggaan, kapwa tumilapon mula sa motorsiklo ang mga biktima saka bumagsak sa sementadong kalye.
- Latest