Mag-asawang albularyo kinatay ng walong katao
PLACER, Masbate, Philippines — Karumaldumal na kamatayan ang sinapit ng isang mag-asawang albularyo matapos igapos at kaladkarin ay pinagbabaril at pinagtataga pa ng walong hindi pa nakikilalang mga suspek naganap sa Brgy.Camiyabsan, kamakalawa.
Ang mag-asawang nasawi ay kinilalang sina Alvino Dela Cruz Flores, 65; at Vilma, 63, kapwa residente ng nasabing barangay.
Sa ulat, dakong alas-6:20 ng umaga ay kagigising lang ng mag-asawa nang lumabas ng bahay para umihi nang biglang sumulpot ang walong hindi nakikilalang mga suspek na armado ng itak at mga baril.
Parehong iginapos ang mga kamay ng mag-asawa at saka kinaladkad palayo sa kanilang bahay ay pinagtataga at pinagbabaril ang mga biktima na kapwa agarang namatay.
Isa sa anggulong tinututukan ay inaakusahan umano na mangkukulam ang mag-asawa na pinabubulaanan ng kanilang mga anak na sumisigaw ng katarungan.
- Latest
