20 bahay sa 1 brgy. nawasak ni ‘Rolly’
SAN NARCISO, Quezon, Philippines — Tatlong araw ang nakalipas makaraang hambalusin ng bagyong Rolly ang bayang ito, tumambad sa ilang nagbalikang residente ang mga kabahayan at ari-arian na wasak na wasak.
Sa pagtaya ng Provincial at Municipal Disaster Risk Reduction and Management Office, aabot sa 20 bahay sa Brgy. Busok-busukan ang tuluyang winasak at hindi na mapapakinabangan.
Maging ang mga 95 porsyento na mga tanim na puno ng saging ay itinumba rin ng bagyo at hanggang sa kasalukuyan at wala pang serbisyo ng kuryente mula sa Quezon Electric Cooperative (Quezelco) ang bayang ito, gayunman at sinisikap ng kooperatiba na ayusin ang mga sirang kable at poste sa 13 pang bayan sa ika-tatlo at ika-apat na distrito ng lalawigan ng Quezon upang agarang maibalik ang kuryente.
- Latest