Unang kaso ng COVID-19 sa Aparri, Cagayan at Aguinaldo, Ifugao naitala
TUGUEGARAO CITY , Philippines — Nabura na bilang mga COVID-19 free ang dalawang bayan sa Luzon matapos magtala ng kauna-unahang kaso ng virus ang mga ito mula sa mga pawang Locally Stranded Individuals (LSIs) kamakalawa.
Isang 77-anyos na lola na umuwi sa Aparri, Cagayan mula Metro Manila ang nagpositibo sa COVID-19 nitong Lunes habang nakaratay sa Cagayan Valley Medical Center dito.
Ayon kay CVMC head Dr. Glenn Mathew Baggao, isinugod sa kanila ang matanda na may sintomas ng ubo at lagnat noong Setyembre 12.
Mag asawa naman na umuwi mula Bacoor, Cavite ang unang naitalang COVID-19 case sa Aguinaldo, Ifugao.
Ayon kay Mayor Gaspar Chilagan, Jr. may sintomas ng ubo at sipon ang magsing irog na agad nilang dinala sa Quarantine facility ng lokal na pamahalaan.
- Latest
